សមាគមមួយចង់ពង្រឹងការងារគម្រោងកសាងហេដ្ឋារចនាសម្ព័ន្ធសុខាភិបាលនៅកម្ពុជា

Proeksa Meas
9 ខែតុលា 2026
ព័ត៌មានសំណង់
31 មើល

សមាគមនិកាយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ(The Church of Jesus Christ of Latter-day Saints)ចង់ពង្រឹងការងារគម្រោងកសាងហេដ្ឋារចនាសម្ព័ន្ធសុខាភិបាលនៅកម្ពុជា ដែលអាចផ្តល់ជាប្រយោជន៍ដល់បងប្អូនប្រជាពលរដ្ឋកម្ពុជា គិតជាតម្លៃប្រមាណ ៥០ លានដុល្លារអាម៉េរិក។

នេះបើតាមជំនួបពិភាក្សាថ្ងៃទី២ ខែតុលា ឆ្នាំ២០២៦ រវាងឯកឧត្តម ស៊ុន ចាន់ថុល ឧបនាយករដ្ឋមន្ត្រី និងជាអនុប្រធានទី១ ក្រុមប្រឹក្សាអភិវឌ្ឍន៍កម្ពុជា (ក.អ.ក.) ជាមួយគណៈប្រតិភូនៃសមាគមនិកាយសាសនាចក្រនៃព្រះយេស៊ូវគ្រីស្ទនៃពួកបរិសុទ្ធថ្ងៃចុងក្រោយ ដឹកនាំដោយ លោក រ័ត្ន ច័ន្ទសុភា ប្រធានសមាគមប្រចាំប្រទេសកម្ពុជា។ តាមរយៈជំនួបនេះ លោក រ័ត្ន ច័ន្ទសុភា បានឱ្យដឹងពីគម្រោងថ្មីៗរបស់ខ្លួន ក្នុងការបន្តធ្វើកិច្ចការមនុស្សធម៌នៅកម្ពុជា និងបានគោរពស្នើសុំការណែនាំបន្ថែមពីថ្នាក់ដឹកនាំ លើនីតិវិធីពាក់ព័ន្ធមួយចំនួន ដើម្បីធានាបាននូវប្រសិទ្ធភាពខ្ពស់ លើសកម្មភាពការងារមនុស្សធម៌របស់ខ្លួន និងធានាបាននូវអត្ថប្រយោជន៍ជាអតិបរិមាដល់ប្រជាពលរដ្ឋកម្ពុជា។

ជាការឆ្លើយតប ឯកឧត្តម ស៊ុន ចាន់ថុល បានបញ្ជាក់ថា ដើម្បីពិភាក្សាលើសកម្មភាពមនុស្សធម៌របស់សមាគមដូចជា ការបន្តពង្រឹងការងារកសាងហេដ្ឋារចនាសម្ព័ន្ធសុខាភិបាល ការអភិវឌ្ឍសហគមន៍ និងសុខុមាលភាពសង្គម។ ឯកឧត្តមបានថ្លែងអរគុណ ហើយថាការអនុវត្តគម្រោងមនុស្សធម៌នេះ គឺជាប្រយោជន៍ដល់បងប្អូនប្រជាពលរដ្ឋកម្ពុជា ប្រមាណ ៥០ លានដុល្លារអាម៉េរិក។

តាមរយៈ សមាគមខាងលើសង្ឃឹមយ៉ាងមុតមាំថា សមាគមខ្លួននឹងអាចបង្កើនប្រសិទ្ធភាពនៃការអនុវត្តន៍គម្រោងសកម្មភាពមនុស្សធម៌របស់ខ្លួន សម្រាប់បម្រើជាអត្ថប្រយោជន៍ដល់ប្រជាពលរដ្ឋកម្ពុជា៕ (អានបន្ថែម)

- Video Advertisement -