កិច្ចសហការដ៏មានចក្ខុវិស័យមួយពីកសិដ្ឋានដល់តុអាហារនឹងធ្វើបដិវត្តន៍ការចែកចាយអាហារ ជំរុញកសិកម្មប្រកបដោយចីរភាព និងធានាសន្តិសុខស្បៀងអាហារទូទាំងព្រះរាជាណាចក្រ
វិស័យឯកជនកម្ពុជា-បារាំង បានប្រកាសចាប់ផ្តើមសិក្សាគម្រោងអភិវឌ្ឍន៍ ផ្សារបោះដុំផលិតផលស្រស់ភ្នំពេញ សំដៅលើកកម្ពស់ជីវភាពប្រជាពលរដ្ឋ និរន្តរភាពសេដ្ឋកិច្ចបន្ថែមទៀត។ នេះបើយោងតាមជំនួបពិភាក្សារវាងឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ និងឯកឧត្តម នីកូឡា ហ្វ័ររីស្យេ (Nicolas FORISSIER) រដ្ឋមន្រ្តីប្រតិភូក្រសួងអឺរ៉ុប និងការបរទេស ទទួលបន្ទុកពាណិជ្ជកម្មបរទេស និងការទាក់ទាញវិនិយោគនៃប្រទេសបារាំង កាលថ្ងៃទី១០ ខែកក្កដា ឆ្នាំ២០២៦។
នាឱកាសនោះឯកឧត្តម ឌិត ទីណា និងឯកឧត្តម នីកូឡា ហ្វ័ររីស្យេ បានអញ្ជើញជាអធិបតីភាពក្នុងពិធីចុះហត្ថលេខាលើកិច្ចព្រមព្រៀងសេវាកម្មសិក្សាសមិទ្ធលទ្ធភាពគម្រោង «ផ្សារបោះដុំផលិតផលស្រស់ភ្នំពេញ» រវាងក្រុមហ៊ុន WorldBridge Group និងក្រុមហ៊ុន SEMMARIS នៅសណ្ឋាគារ សាងគ្រីឡា ភ្នំពេញ។
ថ្លែងនាឱកាសនោះដែរ ឯកឧត្តម ឌិត ទីណា បានបង្ហាញក្តីរីករាយ ហើយនេះកិច្ចព្រមព្រៀងនេះ គឺមានសារៈសំខាន់ណាស់សម្រាប់វិស័យកសិកម្ម ជាពិសេសការរួមគ្នាក្នុងការប្រែក្លាយចក្ខុវិស័យរួមមួយឱ្យលេចចេញជារូបរាង នោះគឺគម្រោងបង្កើត «ផ្សារបោះដុំផលិតផលស្រស់ភ្នំពេញ» ដែលជាគ្រឹះស្ថានដែលមានចក្ខុវិស័យដ៏មានសុវត្ថិភាពពីកសិដ្ឋានទៅកាន់តុអាហារ។ ឯកឧត្តមថា ការប្តេជ្ញាចិត្តនិងកិច្ចសហការរួមគ្នាយ៉ាងជិតស្និទ្ធរវាងវិស័យឯកជនកម្ពុជា និងបារាំង ក៏ស្តែងចេញជាគំរូល្អមួយសំដៅលើកកម្ពស់ជីវភាពប្រជាពលរដ្ឋ និរន្តរភាពសេដ្ឋកិច្ច ធានាបាននូវសន្តិសុខស្បៀង និងចូលរួមចំណែកអភិវឌ្ឍន៍សេដ្ឋកិច្ចជាតិ។
សូមជម្រាបដែរថា តាមរយៈជំនួបខាងលើ ក្រសួងកសិកម្ម នឹងផ្តល់ការគាំទ្រ លើការសម្របសម្រួលបច្ចេកទេស ដើម្បីធានាថាដំណើរការសិក្សាសមិទ្ធិលទ្ធភាពនេះ ឱ្យសម្រេចបានតាមផែនការគ្រោងទុក៕ (អានបន្ថែម)
ក្រសួងកសិកម្ម និងសហគ្រិនចិន បានកំពុងរួមគ្នាជំរុញការវិន […]
កិច្ចសហប្រតិបត្តិការរវាងក្រសួងកសិកម្មនៃប្រទេសទាំងពីរ នឹ […]
ក្រសួងទេសចរណ៍ និង ក្រសួងកសិកម្ម រុក្ខាប្រមាញ់ និងនេសាទ […]
English 
ខ្មែរ