កិច្ចសហប្រតិបត្តិការ និងឱកាស
ក្នុងរយៈពេល ៣២ឆ្នាំ អាល្លឺម៉ង់បានជួយអភិវឌ្ឍហេដ្ឋារចនាសម្ព័ន្ធកម្ពុជាប្រមាណជា ២ពាន់គ.ម
ក្នុងរយៈពេល ៣២ឆ្នាំកន្លងមកនេះ ដែលអាល្លឺម៉ងនិងកម្ពុជាមានទំនាក់ទំនងការទូតជាមួយគ្នា ដោយអាល្លឺម៉ងបានផ្តល់ជាហិរញ្ញប្បទានសម្បទាន និងឥតសំណងដល់កម្ពុជាក្នុងការអភិវឌ្ឍហេដ្ឋារចនាសម្ព័ន្ធផ្លូវគមនាគមន៍បានប្រមាណជាង ២០០០គីឡូម៉ែត្រ ហើយបានប្តេជ្ញាបន្តជួយលើហេដ្ឋារចនាសម្ព័ន្ធជនបទកម្ពុជាបន្ថែមទៀតផង។ នេះបើយោងតាមជំនួបពិភាក្សារវាងឯកឧត្តម ឆាយ ឫទ្ធិសែន រដ្ឋមន្ត្រីក្រសួងអភិវឌ្ឍន៍ជនបទ ជាមួយលោក Gidon Windecker តំណាងស្ថានទូតអាល្លឺម៉ង់ប្រចាំនៅប្រទេសកម្ពុជា និងក្រុមការងារបេសកកម្មធនាគារអភិវឌ្ឍន៍អាល្លឺម៉ង់ (KfW) ទីភ្នាក់ងារបារាំងសម្រាប់ការអភិវឌ្ឍ (AFD) និងសហភាពអឺរ៉ុប (EU) នៅថ្ងៃទី៥ ខែមិថុនា ឆ្នាំ២០២៥។ លោក Gidon Windecker តំណាងស្ថានទូតអាល្លឺម៉ង់ បានលើកឡើងថាកម្ពុជា និងអាល្លឺម៉ងមានទំនាក់ទំនងការទូតជាមួយគ្នាអស់រយៈពេល ៣២ឆ្នាំ មកហើយ ដោយភាគីអាល្លឺម៉ងបានផ្តល់ជាហិរញ្ញប្បទានសម្បទាន និងឥតសំណងមកកាន់កម្ពុជាក្នុងការអភិវឌ្ឍហេដ្ឋារចនាសម្ព័ន្ធផ្លូវគមនាគមន៍ប្រមាណជាង ២០០០គីឡូម៉ែត្រ, ក្នុងនោះមានស្ពានបេតុងចំនួន ៩២, បូករួមទាំង ស្រះ និងអណ្តូងទឹកជាច្រើនផងដែរ។ បន្ថែមពីនេះ លោកថា តាមរយៈគម្រោងកម្មវិធីអភិវឌ្ឍន៍ហេដ្ឋារចនាសម្ព័ន្ធជនបទសម្រាប់កម្ពុជា (RID4CAM) ក្រោមហិរញ្ញប្បទានរបស់ KfW, AFD និង EU ផ្លូវដែលធន់នឹងការប្រែប្រួលអាកាសធាតុប្រមាណជាង ៥២០គីឡូម៉ែត្រទៀត ក៏នឹងត្រូវបានស្ថាបនាផងដែរ។ ជុំវិញរឿងនេះ ឯកឧត្តម ឆាយ […]
អានបន្ថែម
ក្រុមហ៊ុនអាកាសចរណ៍អេមីរ៉ាតអារ៉ាប់រួម ប្តេជ្ញាជំរុញការតភ្ជាប់ផ្លូវហោះហើរត្រង់ជាមួយកម្ពុជាបន្ថែមទៀត
ក្រុមហ៊ុនអាកាសចរណ៍ Emirates Airline នៃប្រទេសអេមីរ៉ាតអារ៉ាប់រួម បានប្តេជ្ញាជួយជំរុញការតភ្ជាប់ផ្លូវហោះហើរជាមួយកម្ពុជាបន្ថែមទៀត ដើម្បីជំរុញវិស័យទេសចរណ៍ និងពាណិជ្ជកម្មឱ្យកាន់តែរីកចម្រើន។ ការប្តេជ្ញានេះ ត្រូវបានធ្វើឡើងចំពេលដែលយន្តហោះលើកដំបូងរបស់ក្រុមហ៊ុននេះ បានមកចុះចតនៅអាកាសយានដ្ឋានអន្តរជាតិសៀមរាបអង្គរ កាលពីថ្ងៃទី០៣ ខែមិថុនា ឆ្នាំ២០២៥។ នាឱកាសនោះ ឯកឧត្តម ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល បានបញ្ជាក់ថា ប្រទេសអេមីរ៉ាតអារ៉ាប់រួម កំពុងក្លាយជាទីផ្សារយុទ្ធសាស្ត្រដ៏សំខាន់មួយសម្រាប់ប្រទេសកម្ពុជា។ ដូច្នេះហើយការពង្រីកការហោះហើររបស់ក្រុមហ៊ុនអាកាសចរណ៍ Emirates នឹងជួយជំរុញកំណើនសេដ្ឋកិច្ចប្រទេសទាំងពីរ ពិសេសទឹកដីប្រវត្តិសាស្ត្រសៀមរាបអង្គរ។ ទន្ទឹមគ្នានេះ លោក Mohammed Al Qassim អ្នកគ្រប់គ្រងប្រចាំប្រទេសកម្ពុជារបស់ Emirates បានឱ្យដឹងថា Emirates បានប្ដេជ្ញាចិត្ត ក្នុងការចូលរួមគាំទ្រចក្ខុវិស័យរបស់កម្ពុជា តាមរយៈការផ្ដល់នូវការតភ្ជាប់ផ្លូវហោះហើរដ៏សំខាន់ទៅទីក្រុងឌូបៃ និងទៅទីកន្លែងផ្សេងៗទៀត ដើម្បីរួមចំណែកពង្រឹងវិស័យទេសចរណ៍ និងពាណិជ្ជកម្មរបស់កម្ពុជា។ លោកជឿថា សក្ដានុពលរបស់ខេត្តសៀមរាប និងទន្ទឹងរង់ចាំធ្វើការជាមួយដៃគូពាក់ព័ន្ធក្នុងស្រុក និងរាជរដ្ឋាភិបាលកម្ពុជា ដើម្បីផ្សព្វផ្សាយផ្លូវហោះហើរថ្មីនេះ ដល់អតិថិជនរបស់យើងនៅទូទាំងពិភពលោកឱ្យបានកាន់តែច្រើន។ គួរបញ្ជាក់ថា ក្រុមហ៊ុនអាកាសចរណ៍ Emirates ហោះហើរ ៣លើកក្នុងមួយសប្ដាហ៍ មកកាន់ខេត្តសៀមរាប ពោលគឺនៅថ្ងៃអង្គារ ថ្ងៃព្រហស្បតិ៍ និងថ្ងៃសៅរ៍ […]
អានបន្ថែម
បារាំង និងអឺរ៉ុប ប្តេជ្ញាជួយពង្រឹងវិស័យទឹកស្អាតនៅកម្ពុជា, ខណៈបារាំងគ្រោងផ្តល់ហិរញ្ញប្បទាន ២៧៥លានអឺរ៉ូ
ប្រទេសបារាំង និងសហភាពអឺរ៉ុបបានអះអាងជាថ្មីពីការយកចិត្តទុកដាក់ក្នុងការគាំទ្រដល់ការអភិវឌ្ឍវិស័យទឹកនៅកម្ពុជា ដោយប្រទេសបារាំងគ្រោងនឹងហិរញ្ញប្បទានប្រមាណ ២៧៥លានអឺរ៉ូ សម្រាប់ឆ្នាំ២០២៥ ដល់ ឆ្នាំ២០២៧។ ការប្តេជ្ញាចិត្តនេះត្រូវបានប្រកាសដោយលោកស្រី Sandrine Boucher នាយកប្រចាំប្រទេសនៃទីភ្នាក់ងារអភិវឌ្ឍន៍បារាំង (AFD) ក្នុងជំនួបជាមួយហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅថ្ងៃទី៥ ខែមិថុនា ឆ្នាំ២០២៥។ ក្នុងកិច្ចពិភាក្សានោះ លោកស្រី Boucher បានគូសបញ្ជាក់ថា ថវិកាប្រមាណ ៧០% សម្រាប់ការអភិវឌ្ឍក្នុងវិស័យទឹកស្អាត។ ក្នុងកិច្ចខិតខំប្រឹងប្រែងដើម្បីផ្តល់អំណាចដល់វិស័យឯកជន AFD កំពុងសហការជាមួយធនាគារពាណិជ្ជដើម្បីបង្កើតកញ្ចប់ឥណទានថ្មីតាមរយៈ PROPARCO ក្នុងគោលបំណងផ្តល់ការគាំទ្រផ្នែកហិរញ្ញវត្ថុដល់ប្រតិបត្តិករទឹកឯកជន។ គំនិតផ្តួចផ្តើមនេះមានសារៈសំខាន់ណាស់ ដោយសារប្រតិបត្តិករទាំងនេះដើរតួនាទីសំខាន់ក្នុងការផ្តល់សេវាទឹកស្អាតដល់សហគមន៍ជនបទ។ ក្នុងនោះដែរ ឯកឧត្តម ហែម វណ្ណឌី បានណែនាំឱ្យក្រុមការងារបច្ចេកទេសរបស់ក្រសួង សហការជាមួយក្រុមហ៊ុន PROPARCO ដែលជាដៃគូបម្រើវិស័យឯកជនរបស់ AFD ដើម្បីសម្រួលការផ្តល់ហិរញ្ញប្បទានក្នុងអត្រាការប្រាក់សមរម្យសម្រាប់ប្រតិបត្តិករទឹកស្អាតឯកជន ដោយសារប្រតិបត្តិករទាំងនេះដើរតួនាទីយ៉ាងសំខាន់ក្នុងការផ្តល់សេវាទឹកស្អាតដល់ប្រជាជនក្នុងតំបន់ជនបទ។ លើសពីនេះ តំណាងមកពីសហភាពអឺរ៉ុបបានសម្តែងការគាំទ្រយ៉ាងខ្លាំងរបស់ពួកគេចំពោះកំណែទម្រង់ចាំបាច់នៅក្នុងវិស័យទឹករបស់កម្ពុជាផងដែរ។ លោក Koen Everaert អនុប្រធានកិច្ចសហប្រតិបត្តិការនៃគណៈប្រតិភូសហភាពអឺរ៉ុបប្រចាំនៅកម្ពុជា បានរំលឹកឡើងវិញថា ទឹក ថាមពល […]
អានបន្ថែម
អាជ្ញាធរខេត្តហឺណានរបស់ចិន ចង់វិនិយោគលើវិស័យកសិ-ឧស្សាហកម្មកែច្នៃនៅកម្ពុជា
អាជ្ញាធរខេត្តដ៏ធំមួយរបស់ប្រទេសចិន គឺខេត្តហឺណាន ដែលមានប្រជាជនរហូតដល់ជាង ១០០លាននាក់ និងមានសក្តានុពលទីផ្សារពាណិជ្ជកម្មខ្លាំង បានបង្ហាញពីចេតនាចង់វិនិយោគលើវិស័យកសិ-ឧស្សាហកម្មកែច្នៃនៅកម្ពុជា។ នេះបើយោងតាមជំនួបពិភាក្សារវាងឯកឧត្តម លីម ឡោកពិសិដ្ឋ រដ្ឋលេខាធិការក្រសួងពាណិជ្ជកម្ម ជាមួយលោក SUN Shougang អភិបាលរងខេត្តហឺណាន ប្រទេសចិន នៅថ្ងៃទី២៨ ខែឧសភា ឆ្នាំ២០២៥។ ក្នុងជំនួបនេះ ភាគីទាំងពីរបានពិភាក្សាទៅលើការពង្រឹងកិច្ចសហប្រតិបត្តិការទ្វេភាគី ដោយផ្តោតសំខាន់ទៅលើកិច្ចសហប្រតិបត្តិការពាណិជ្ជកម្ម និងកសិ-ឧស្សាហកម្ម។ នាឱកាសនោះ លោកអភិបាលរងខេត្តហឺណាន បានវាយតម្លៃខ្ពស់ចំពោះសារៈសំខាន់នៃការពង្រឹងទំនាក់ទំនងនេះ ដោយបានអនុញ្ញាតឱ្យមន្ទីពាណិជ្ជកម្មខេត្តហឺណានដឹកនាំប្រតិភូទៅស្វែងរកឱកាសធ្វើពាណិជ្ជកម្ម និងវិនិយោគលើវិស័យកសិ-ឧស្សាហកម្មកែច្នៃនៅកម្ពុជានៅក្នុងឆ្នាំនេះផងដែរ។ ជាមួយគ្នានេះដែរ ឯកឧត្តមរដ្ឋលេខាធិការក្រសួងពាណិជ្ជកម្ម ក៏បានលើកទឹកចិត្តឱ្យក្រុមហ៊ុនចិនពង្រីកទំហំនាំចូលផលិតផលសំខាន់ៗរបស់កម្ពុជាដូចជា៖ ស្វាយចន្ទី ដំណាប់ស្វាយ និងចេក ព្រមទាំងពិចារណាក្នុងការវិនិយោគដោយផ្ទាល់លើវិស័យកសិ-ឧស្សាហកម្មកែច្នៃ ដើម្បីគាំទ្រផលិតកម្មដែលមានតម្លៃបន្ថែម។ បន្ទាប់ពីជំនួបពិភាក្សានេះរួច ប្រតិភូក្រសួងពាណិជ្ជកម្ម ក៏បានជួបពិភាក្សាជាមួយនឹង លោកស្រី CHEN Xuemei ប្រធានក្រុមហ៊ុន Chen Sun Fruits and Vegetable Trading Co., Ltd. ដែលជាក្រុមហ៊ុនបោះដុំផ្លែឈើ និងទំនិញកសិផលដ៏ធំនៃខេត្តហឺណាន ខណៈកន្លងមកក្រុមហ៊ុននេះក៏បាននាំចូលផ្លែឈើ និងផលិតផលកសិផលពីកម្ពុជាជាច្រើនសម្រាប់ចែកចាយទៅកាន់ទីផ្សារនៃខេត្តហឺណានផងដែរ។ គួររម្លឹកថា […]
អានបន្ថែម
ក្រសួងការងារកម្ពុជា និងមូលនិធិការងារអន្តរជាតិជប៉ុន រួមគ្នាពង្រឹងគាំទ្រអ្នកសេដ្ឋកិច្ចក្រៅប្រព័ន្ធ
ក្រសួងការងារ និងបណ្ដុះបណ្ដាលវិជ្ជាជីវៈរបស់កម្ពុជា រួមជាមួយមូលនិធិការងារអន្តរជាតិជប៉ុន (JILAF) បានចុះហត្ថលេខាលើអនុស្សរណៈនៃការយោគយល់គ្នា ដើម្បីពង្រឹងកិច្ចសហប្រតិបត្តិការក្រោមគម្រោងគាំទ្រសកម្មភាពថ្នាក់មូលដ្ឋាន តាមរយៈបណ្ដាញនិយោជក និងកម្មករនិយោជិតអន្ដរជាតិ។ អនុស្សរណៈនេះ ត្រូវបានចុះនៅថ្ងៃទី២៦ ខែឧសភា ឆ្នាំ២០២៥ នៅទីក្រុងតូក្យូ ប្រទេសជប៉ុន ក្នុងគោលបំណងជំរុញការងារសមរម្យ និងការធ្វើឱ្យកាន់តែប្រសើរឡើងនូវជីវភាពរបស់អ្នកធ្វើការនៅក្នុងសេដ្ឋកិច្ចក្រៅប្រព័ន្ធនៅកម្ពុជា តាមរយៈការបណ្តុះបណ្ដាលវិជ្ជាជីវៈ ការរៀបចំសិក្ខាសាលាស្ដីពីការគ្រប់គ្រងហិរញ្ញវត្ថុ និងប្រព័ន្ធគាំពារសង្គមនៅកម្ពុជា។ បន្ថែមពីនេះ អនុស្សរណៈនេះ ជាការសន្យារបស់មូលនិធិការងារអន្តរជាតិជប៉ុន និងថ្នាក់ដឹកនាំក្រសួងសុខាភិបាល ការងារ និងសុខុមាលភាពជប៉ុន និងការិយាល័យអង្គការអន្ដរជាតិខាងការងារប្រចាំប្រទេសជប៉ុន ក្នុងការពង្រឹងកិច្ចសហប្រតិបត្តិការជាមួយក្រសួងការងារ និងបណ្ដុះបណ្ដាលវិជ្ជាជីវៈរបស់កម្ពុជា ឱ្យកាន់តែស៊ីជម្រៅបន្ថែមទៀត។ ផ្អែកតាមអនុស្សរណៈនេះ វាជាការលើកកម្ពស់ជីវភាពរស់នៅរបស់អ្នកធ្វើការនៅក្នុងសេដ្ឋកិច្ចក្រៅប្រព័ន្ធ ដែលរួមមានជាអាទិ៍៖ អ្នកបម្រើការងារក្នុងសហគ្រាសធុនមីក្រូ តូច និងមធ្យម ដែលមិនបានចុះបញ្ជីការផ្លូវការ, អ្នកបម្រើក្នុងផ្ទះ, បុគ្គលស្វ័យនិយោជន៍ ដូចជា អ្នកបើកបររ៉ឺម៉កកង់បី (តុកតុក), អាជីវករលក់ដូរតាមផ្លូវ, កសិករខ្នាតតូច, អ្នកធ្វើការដោយប្រើថ្នាលបច្ចេកវិទ្យា និងបុគ្គលដទៃទៀតដែលបំពេញការងារដោយគ្មានកិច្ចសន្យាការងារផ្លូវការ គ្មានប្រាក់ចំណូលច្បាស់លាស់ ឬពុំទាន់ទទួលបានអត្ថប្រយោជន៍របបសន្ដិសុខសង្គមជាមូលដ្ឋាន។ បើតាម ឯកឧត្ដម ហេង សួរ បានឱ្យដឹងក្នុងពិធីចុះហត្ថលេខាខាងលើនេះថា មូលនិធិការងារអន្តរជាតិជប៉ុន (JILAF) បានសហការជាយ៉ាងជិតស្និទ្ធជាមួយក្រសួងការងារ […]
អានបន្ថែម
អង្គការពាណិជ្ជកម្ម JETRO ប្តេជ្ញាបន្តជំរុញការវិនិយោគរបស់ជប៉ុននៅកម្ពុជាឱ្យរិតតែប្រសើរបន្ថែមទៀត
នៅក្នុងការផ្លាស់ប្តូរដ៏សំខាន់មួយក្នុងការពង្រឹងទំនាក់ទំនងសេដ្ឋកិច្ច អង្គការពាណិជ្ជកម្មក្រៅប្រទេសជប៉ុន (JETRO) បានបញ្ជាក់ជាថ្មីពីការប្តេជ្ញាចិត្តរបស់ខ្លួនក្នុងការលើកកម្ពស់ការវិនិយោគរបស់ជប៉ុននៅក្នុងប្រទេសកម្ពុជា។ ការប្រកាសនេះធ្វើឡើងក្នុងជំនួបផ្លូវការរវាងសម្តេចនាយករដ្ឋមន្រ្តី ហ៊ុន ម៉ាណែត និងលោក ISHIGURO Norihiko ប្រធាន និងជានាយកប្រតិបត្តិរបស់ JETRO ក្នុងដំណើរទស្សនកិច្ចនៅទីក្រុងតូក្យូ ពីថ្ងៃទី ២៨-៣១ ខែឧសភា ឆ្នាំ២០២៥។ ក្នុងកិច្ចពិភាក្សារបស់ពួកគេ លោក Norihiko បានសម្តែងការសាទរចំពោះកិច្ចសហប្រតិបត្តិការជាបន្តបន្ទាប់ជាមួយសភាពាណិជ្ជកម្មកម្ពុជាក្នុងការរៀបចំវេទិកាធុរកិច្ចកម្ពុជា-ជប៉ុននៅទីក្រុងតូក្យូ។ វេទិកានេះបានទាក់ទាញអ្នកតំណាងធុរកិច្ចជប៉ុននិងកម្ពុជាមកចូលរួមយ៉ាងច្រើនក្នុងគោលបំណងលើកកម្ពស់ទំនាក់ទំនងពាណិជ្ជកម្មទ្វេភាគី។ លោក Norihiko ក៏បានលើកឡើងពីផែនការសម្រាប់គណៈប្រតិភូ JETRO ដែលនឹងនាំអ្នកវិនិយោគជប៉ុនមកកម្ពុជា ដើម្បីស្វែងរកឱកាសវិនិយោគថ្មីៗនៅពេលខាងមុខ។ លោកនាយករដ្ឋមន្ត្រី បានកោតសរសើរចំពោះតួនាទីដ៏សំខាន់របស់ JETRO ក្នុងការសម្របសម្រួលវេទិកាធុរកិច្ច ដោយសង្កត់ធ្ងន់លើសារៈសំខាន់របស់ខ្លួនជាវេទិកាសម្រាប់ពង្រឹងទំនាក់ទំនងពាណិជ្ជកម្មកម្ពុជា-ជប៉ុន។ លោកបានរំលឹកឡើងវិញនូវយុទ្ធសាស្ត្ររបស់រាជរដ្ឋាភិបាលក្នុងការទាក់ទាញការវិនិយោគពីបរទេសតាមរយៈការលើកទឹកចិត្តផ្សេងៗ និងការប្តេជ្ញាចិត្តក្នុងការកែលម្អហេដ្ឋារចនាសម្ព័ន្ធ ជាពិសេសផ្នែកភស្តុភារ។ គម្រោងសំខាន់ៗរួមមានការអភិវឌ្ឍន៍បណ្តាញផ្លូវថ្នល់ អាកាសយានដ្ឋានអន្តរជាតិ និងកំពង់ផែទឹកជ្រៅ។ ជាងនេះទៅទៀត លោកនាយករដ្ឋមន្ត្រីបានជំរុញឱ្យអ្នកវិនិយោគជប៉ុនពិចារណាលើការបង្កើតតំបន់សេដ្ឋកិច្ចពិសេសពិសេស (SEZs) ដែលសមស្របនឹងឧស្សាហកម្មរបស់ពួកគេ។ វិធីសាស្រ្តប្រកបដោយភាពច្នៃប្រឌិតនេះនឹងបង្កើតបរិយាកាសធុរកិច្ចអំណោយផលដែលត្រូវបានរចនាឡើងជាពិសេសសម្រាប់វិស័យមួយចំនួន បង្កើនភាពទាក់ទាញរបស់កម្ពុជាជាគោលដៅវិនិយោគ។ ពាក់ព័ន្ធនឹងផែនការបង្កើតតំបន់សេដ្ឋកិច្ចពិសេសតម្រូវតាមប្រភេទឧស្សាហកម្មនេះ កន្លងទៅមានវិទ្យាស្ថានស្រាវជ្រាវសេដ្ឋកិច្ចអាស៊ាន និងអាស៊ីបូព៌ា (Economic Research Institute for ASEAN and […]
អានបន្ថែម
អាជ្ញាធរខេត្តសៀមរាប និងខេត្តហឺណាន ប្តេជ្ញារួមគ្នាជំរុញកិច្ចសហការលើវិស័យអាទិភាព ដើម្បីពង្រឹងទំនាក់ទំនងទ្វេភាគី
ក្នុងការផ្លាស់ប្តូរដ៏សំខាន់ដើម្បីឆ្ពោះទៅរកការពង្រឹងទំនាក់ទំនងទ្វេភាគី រដ្ឋបាលខេត្តសៀមរាប និងខេត្តហឺណាន នៃសាធារណៈរដ្ឋប្រជាមានិតចិនបានប្តេជ្ញាចិត្តក្នុងការជំរុញកិច្ចសហប្រតិបត្តិការក្នុងវិស័យអាទិភាពមួយចំនួន។ ការសន្យានេះត្រូវបានធ្វើឡើងក្នុងអំឡុងពេលសន្និសីទអភិវឌ្ឍន៍ទេសចរណ៍ឆ្នាំ ២០២៥ ដែលធ្វើឡើងនៅទីក្រុង Kuqa តំបន់ស្វយ័តស៊ីនជាំង និងទីក្រុង Qingzhou ខេត្ត Henan ចាប់ពីថ្ងៃទី២៣ ដល់ថ្ងៃទី៣០ ខែឧសភា ឆ្នាំ២០២៥។ នាឱកាសនោះ លោក ង៉ូវ សេងកាក់ អភិបាលរងខេត្តសៀមរាប បានឱ្យដឹងថា សន្និសីទនេះ រៀបចំឡើង ដើម្បីផ្សព្វផ្សាយអំពីធនធាន និងផលិតផលទេសចរណ៍នៃស៊ីនជាំង ការចរចារធុរកិច្ចរវាងសហគ្រាស និងការត្រួតពិនិត្យផ្លូវទេសចរណ៍នានា ព្រមទាំងបង្កើតវេទិកាផ្លាស់ប្តូរទេសចរណ៍អន្ដរជាតិ និងសហប្រតិបត្តិការជាសហគមន៍ ដើម្បីលើកកម្ពស់កិច្ចសហប្រតិបត្តិការទេសចរណ៍ពហុភាគី វិភាគយុទ្ធសាស្ត្រយ៉ាងសំខាន់នៃការអភិវឌ្ឍន៍ទេសចរណ៍ និងសម្របសម្រួលគំនិតបង្កើតផែនការពង្រីកការទំនាក់ទំនងនាពេលអនាគត។ ទន្ទឹមគ្នានេះដែរ ដើម្បីពង្រឹងកិច្ចសហប្រតិបត្តិការខាងលើឱ្យឆាប់ទទួលបានជោគជ័យបន្ថែមទៀត លោកអភិបាលរងបានបញ្ជាក់ថា គណៈប្រតិភូខេត្តសៀមរាប បានបន្តជួបពិភាក្សាជាមួយលោកអភិបាលក្រុង Shingzhou ខេត្តហឺណាន ដើម្បីធ្វើការផ្លាស់ប្តូរយោបល់គ្នារកយុទ្ធសាស្រ្តជំរុញវិស័យអាទិភាពមួយចំនួនរួមមាន៖ ទេសចរណ៍ វប្បធម៌ កសិកម្ម ពាណិជ្ជកម្ម ឧស្សាហកម្ម និងការផ្លាស់ប្តូរនិស្សិតកម្ពុជាពីខេត្តសៀមរាបទៅកាន់ទីក្រុងសីងចូវនាពេលខាងមុខនេះផងដែរ។ គួរបញ្ជាក់ថា កន្លងទៅថ្មីៗនេះ សហគ្រាស នៃសភាពាណិជ្ជកម្មអន្តរជាតិចិន ដែលមាន ប្រមាណ ៤០ក្រុមហ៊ុន […]
អានបន្ថែម
កម្ពុជា-ជប៉ុន ប្តេជ្ញារួមគ្នាបន្តប្រតិបិត្តការ និងគ្រប់គ្រងហានិភ័យទឹកជំនន់នៅទំនប់អាងស្ទឹងសង្កែ
នៅក្នុងវិធានការដ៏សំខាន់មួយដើម្បីបង្កើនប្រសិទ្ធិភាពលើការគ្រប់គ្រងហានិភ័យទឹកជំនន់ កម្ពុជា និងជប៉ុនបានសន្យាថានឹងធ្វើការរួមគ្នាលើប្រតិបត្តិការ និងការគ្រប់គ្រងទំនប់ទឹក និងសំណង់ស្ទាក់ទឹកនៅតាមដងស្ទឹងសង្កែ។ ការប្តេជ្ញាចិត្តនេះធ្វើឡើងបន្ទាប់ពីការពិភាក្សាប្រកបដោយផលិតភាពដែលបានធ្វើឡើងនៅថ្ងៃទី២ ខែមិថុនា ឆ្នាំ២០២៥ រវាងឯកឧត្តម អឿង ចន្ថា អនុរដ្ឋលេខាធិការក្រសួងធនធានទឹករបស់កម្ពុជា និងក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍របស់ប្រទេសជប៉ុន។ ឯកឧត្តម អឿង ចន្ថា អនុរដ្ឋលេខាធិការក្រសួងធនធានទឹក ទទួលបន្ទុកសម្របសម្រួលការងារប្រតិបត្តិការទំនប់អាងទឹក បានឱ្យដឹងថា ជំនួបពិភាក្សានេះ គឺដើម្បីស្វែងរកកិច្ចសហការរួមគ្នាលើការងារប្រតិបត្តិការទំនប់ និងសំណង់ស្ទាក់ទឹកនៅតាមដងស្ទឹងសង្កែ និងការគ្រប់គ្រងហានិភ័យទឹកជំនន់ក្នុងអាងស្ទឹងសង្កែ។ លទ្ធផលនៃកិច្ចពិភាក្សាលើការងារសំខាន់ៗ រួមមាន៖ ទី១.ពិភាក្សាអំពីកិច្ចសហប្រតិបត្តិការការងារផ្សេងទៀតដែលមានសក្តានុពលជាមួយក្រសួង និងទី២.ចែករំលែក និងផ្ទេរចំណេះដឹងពីជប៉ុនស្តីពីប្រតិបត្តិការទំនប់ ការព្យាករទឹកជំនន់ និងការផលិតផែនទីហានិភ័យទឹកជំនន់ដល់មន្ត្រីជំនាញបច្ចេកទេសជាន់ខ្ពស់ក្រសួងជាដើម។ បន្ថែមពីនេះ ឯកឧត្តមក៏បញ្ជាក់ថា ក្រសួងធនធានទឹក នឹងបន្តពង្រឹងកិច្ចសហប្រតិបត្តិការជាមួយក្រុមការងារគម្រោងរបស់ប្រទេសជប៉ុនលើការអភិវឌ្ឍវិស័យធនធានទឹក និងឧតុនិយមនៅកម្ពុជា ជាពិសេសគាំទ្រចំពោះការចូលរួមចំណែកលើការងារប្រតិបត្តិការទំនប់ និងសំណង់ស្ទាក់ទឹកនៅតាមដងស្ទឹងសង្កែ និងលើកកម្ពស់ការគ្រប់គ្រងហានិភ័យទឹកជំនន់ក្នុងអាងស្ទឹងសង្កែឱ្យកាន់តែមានប្រសិទ្ធភាពខ្ពស់ផងដែរ។ គួររំលឹកថា ពាក់ព័ន្ធនឹងវិស័យធនធានទឹកនេះដែរ កន្លងមកជប៉ុន តាមរយៈទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន(JICA) ក៏បានផ្តល់ហិរញ្ញប្បទានគាំទ្រដល់គម្រោងកែលម្អនិងស្តារឡើងវិញនូវប្រព័ន្ធស្រោចស្រព និងប្រព័ន្ធរំដោះទឹកភាគនិរតីរាជធានីភ្នំពេញ ខណៈបច្ចុប្បន្នសម្រេចបាន ៥០% ហើយ។ (អានបន្ថែម) ភាពជាដៃគូនេះតំណាងឱ្យជំហានដ៏សំខាន់មួយសម្រាប់ប្រទេសទាំងពីរក្នុងការដោះស្រាយបញ្ហាប្រឈមសំខាន់ៗក្នុងការគ្រប់គ្រងទឹក និងការកែលម្អភាពធន់របស់សហគមន៍ដែលងាយរងគ្រោះដោយសារទឹកជំនន់៕
អានបន្ថែម
ប្រតិភូតំណាងឱ្យក្រុមហ៊ុនជាង៨០ មកពីកាណាដា កំពុងស្វែងរកឱកាសវិនិយោគនៅកម្ពុជា
គណៈប្រតិភូមួយក្រុមតំណាងឱ្យក្រុមហ៊ុនជាង៨០ មកពីក្រុមប្រឹក្សាធុរកិច្ចអាស៊ាន-កាណាដា (CABC) បានមកដល់ប្រទេសកម្ពុជា ដើម្បីស្វែងរកឱកាសវិនិយោគដ៏មានសក្តានុពល។ ការប្រកាសនេះធ្វើឡើងក្នុងជំនួបរវាងឯកឧត្តម លឹម វិសាល អគ្គលេខាធិការរងនៃគណៈកម្មាធិការវិនិយោគកម្ពុជា និងលោក Wayne Farmer ជាប្រធាន CABC នៅថ្ងៃទី២៩ ខែឧសភា ឆ្នាំ២០២៥។ ក្នុងជំនួបនោះ ឯកឧត្តម លឹម វិសាល បានសម្តែងការស្វាគមន៍យ៉ាងកក់ក្តៅចំពោះគណៈប្រតិភូកាណាដា ដោយសង្កត់ធ្ងន់លើចំណាប់អារម្មណ៍របស់ពួកគេក្នុងការយល់ដឹងអំពីទិដ្ឋភាពធុរកិច្ចរបស់កម្ពុជា។ លោកក៏បានទទួលស្គាល់ការគាំទ្ររបស់រដ្ឋាភិបាលកាណាដាក្នុងការផ្តល់នូវការអនុគ្រោះពាណិជ្ជកម្មដល់ប្រទេសអភិវឌ្ឍន៍តិចតួច រួមទាំងប្រទេសកម្ពុជាផងដែរ។ ការគាំទ្រនេះបានដើរតួយ៉ាងសំខាន់ក្នុងការជំរុញការនាំចេញរបស់កម្ពុជាទៅកាន់ប្រទេសកាណាដា។ ឯកឧត្តមសង្ឃឹមថាដំណើរទស្សនកិច្ចរបស់គណៈប្រតិភូនាពេលនេះនឹងចូលរួមចំណែកពង្រីកពាណិជ្ជកម្មទ្វេភាគី ក៏ដូចជាបង្កើនការវិនិយោគរបស់ប្រទេសកាណាដានៅកម្ពុជា ខណៈបច្ចុប្បន្នមានក្រុមហ៊ុនកាណាដាមួយចំនួនបានទទួលជោគជ័យយ៉ាងត្រចះត្រចង់ ដូចជាធនាគារ National Bank of Canada ដែលជាម្ចាស់ភាគហ៊ុនរបស់ធនាគារ ABA និងក្រុមហ៊ុនធានារ៉ាប់រង Manulife ជាដើម។ ដោយឡែក លោក Wayne Farmer បានឆ្លើយតបដែរថា គណៈប្រតិភូនាដែលចូលរួមនេះ មានប្រមាណជាង៨០ក្រុមហ៊ុន មានចំណាប់អារម្មណ៍ខ្ពស់លើឱកាសពាណិជ្ជកម្ម និងវិនិយោគនៅកម្ពុជា។ ទន្ទឹមនឹងនេះ លោកបានកោតសរសើរភាពជោគជ័យរបស់ក្រុមហ៊ុនកាណាដានៅកម្ពុជា និងបានសន្យាថានឹងសហការជាមួយរាជរដ្ឋាភិបាលកម្ពុជា ក្នុងការជំរុញការវិនិយោគរបស់កាណាដាមកកម្ពុជាបន្ថែមទៀត។ ជាចុងក្រោយនោះ លោកបានអញ្ជើញតំណាងក្រុមប្រឹក្សាអភិវឌ្ឍន៍កម្ពុជាចូលរួមវេទិកាធុរកិច្ច និងវិនិយោគកាណាដា-អាស៊ាន […]
អានបន្ថែម
វិទ្យាស្ថានERIA គ្រោងរៀបចំតំបន់សេដ្ឋកិច្ចពិសេសគំរូនៅកម្ពុជា ដោយផ្តោតតាមប្រភេទឧស្សាហកម្ម
វិទ្យាស្ថានស្រាវជ្រាវសេដ្ឋកិច្ចអាស៊ាន និងអាស៊ីបូព៌ា (Economic Research Institute for ASEAN and East Asia-ERIA) បានសន្យាថា នឹងបន្តសិក្សារៀបចំតំបន់សេដ្ឋកិច្ចពិសេសគំរូនៅកម្ពុជា សម្រាប់បម្រើដល់ការវិនិយោគជាក់លាក់ តាមប្រភេទឧស្សាហកម្មនៅកម្ពុជា។ នេះបើយោងតាមជំនួបពិភាក្សារវាងសម្តេចនាយករដ្ឋមន្រ្តី ហ៊ុន ម៉ាណែត និងលោក WATANABE Tetsuya ប្រធានវិទ្យាស្ថាន(ERIA) នៅក្នុងឱកាសនៃដំណើរទស្សនកិច្ចការងារផ្លូវការ នៅថ្ងៃទី២៨-៣១ ខែឧសភា ឆ្នាំ២០២៥ នៅទីក្រុងតូក្យូ ប្រទេសជប៉ុន។ នាឱកាសនោះ លោកប្រធានវិទ្យាស្ថាន ERIA ជម្រាបជូនសម្ដេចពីលទ្ធផលនៃការសិក្សាសមិទ្ធិលទ្ធភាព (Feasibility Study) ក្នុងការរៀបចំតំបន់សេដ្ឋកិច្ចពិសេស (SEZs) សម្រាប់បម្រើដល់ការវិនិយោគជាក់លាក់ តាមប្រភេទឧស្សាហកម្ម ឬ ប្រទេស ដោយបានគូសបញ្ជាក់អំពីចំណុចសំខាន់ៗ និងតម្រូវការជាក់ស្ដែងក្នុងការបង្កើតគំរូតំបន់សេដ្ឋកិច្ចពិសេសនេះកាន់តែប្រសើរ។ ជាការឆ្លើយតប សម្ដេចធិបតី បានស្វាគមន៍ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់វិទ្យាស្ថាន ERIA ក្នុងការសិក្សាសមិទ្ធិលទ្ធភាពនេះ។ ជាមួយគ្នានេះ សម្ដេចធិបតីក៏បានលើកទឹកចិត្តដល់វិទ្យាស្ថាន ERIA បន្តភ្ជាប់ទំនាក់ទំនង ក៏ដូចជាពិភាក្សាជាមួយក្រសួង-ស្ថាប័នពាក់ព័ន្ធ ដើម្បីសិក្សាលម្អិតបន្ថែមទៀតអំពីដំណើរការនៃការរៀបចំអភិវឌ្ឍតំបន់សេដ្ឋកិច្ចពិសេសនេះឱ្យបានរលូន។ គួរថា តាមរយៈជំនួបខាងលើនេះដែរ […]
អានបន្ថែម