ការសាងសង់ពហុកីឡដ្ឋានជាតិថ្មីដំណាក់កាលទី១ត្រូវបានបញ្ចប់

• Proeksa Meas
• 10 ខែ​កក្កដា 2016
• ព័ត៌មានសំណង់
• 339 មើល

ការងារសាងសង់សំណង់ពហុកីឡាដ្ឋានជាតិមរតកតេជោ បានបញ្ចប់ដំណាក់កាលទី១ហើយ ហើយការសាងសង់ដំណាក់កាលទី ២ នឹងត្រូវទទួលការឧបត្ថម្ភថវិកាទាំងស្រុងពីរដ្ឋាភិបាលចិន។

ពហុកីឡដ្ឋានដែលមានសមត្ថភាពផ្ទុកមនុស្សបាន ១០០ពាន់នាក់នេះ នឹងក្លាយជាផ្នែកមួយសម្រាប់ឲ្យកម្ពុជាធ្វើជាម្ចាស់ផ្ទះក្នុងការប្រកួតកីឡាអាស៊ានហ្គេម លើកទី ៣២ នៅឆ្នាំ ២០២៣ ។ រាជរដ្ឋាភិបាលកម្ពុជាបានផ្តល់រួចទៅហើយនូវទឹកប្រាក់ ៣៨ លានដុល្លារ តាមរយៈ NOCC សម្រាប់ការងារសាងសង់ដំណាក់កាលទី ១ នៅលើផ្ទៃដីទំហំ ៨៥ ហិកតា ក្នុងខណ្ឌឫស្សីកែវ។

ប្រទេសចិនវិញបានសន្យាផ្តល់ប្រាក់ ១០០លានដុល្លារដល់គម្រោងនេះ ព្រមទាំងទទួលខុសត្រូវសម្រាប់ការងារសាងសង់ និងការងារគ្រប់គ្រងគម្រោងដ៏ធំនេះ ដែលនឹងបញ្ចប់នៅក្នុងឆ្នាំ ២០២១។ ដោយសារការងារដំណើរការបានលឿន ដូចនេះគេគេរំពឹងថាការងារក្នុងដំណាក់កាលទី ១ នឹងបើកឲ្យដំណើរការនៅឆ្នាំ ២០១៦។