កូរ៉េគ្រោងបង្កើតមន្ទីរពេទ្យចល័ត ព្យាបាលដោយឥតគិតថ្លៃ នៅខេត្តកំពង់ស្ពឺ ឆាប់ៗនេះ

• Sommana Yan
• 29 ខែ​កក្កដា 2023
• ព័ត៌មានក្នុងស្រុក
• 142 មើល

សាកលវិទ្យាល័យកូរ៉េ University College of Meicine មានបំណងបង្កើតមន្ទីរពេទ្យចល័តមួយ ដើម្បីពិនិត្យ ព្យាបាលជំងឺ ដល់បងប្អូនប្រជាពលរដ្ឋខេត្តកំពង់ស្ពឺ ដោយមិនយកកម្រៃ។ នេះបើតាមការចុះផ្សាយរបស់លោក វ៉ី សំណាង អភិបាលខេត្តកំពង់ស្ពឺ តាមទំព័រហ្វេកប៊ុកផ្លូវការរបស់លោក កាលពីថ្ងៃទី២៧ ខែកក្កដា ឆ្នាំ២០២៣។

លោកអភិបាលបានបញ្ជាក់ថា គម្រោងនេះ គ្រោងចំណាយថវិកាប្រមាណជាង ៣៧លានដុល្លារ។

រម្លឹកថា កន្លងមកខេត្តកំពង់ស្ពឺ តែងតែទទួលបាននូវការចាប់អារម្មណ៍ពីវិនិយោគិនបរទេស ខណៈដែលថ្មីៗនេះ ទើបតែមានអ្នកវិនិយោគចិនមកពីខេត្តហឺណាន ចុះមកសិក្សា ដើម្បីស្វែងរកឱកាសវិនិយោគទៅលើវិស័យឧស្សាហកម្ម កសិឧស្សាហកម្ម និងកសិកម្ម នៅក្នុងខេត្តផងដែរ។(អានបន្ថែម)

ម្យ៉ាងទៀត កាលពីខែមេសាកន្លងទៅ នៅអំឡុងពេលចុះទៅទស្សនៈកិច្ចនៅតាមក្រុមហ៊ុននានាជាច្រើននៅក្នុងទីក្រុងហុងកុង ឯកឧត្តមអភិបាល ក៏បានបង្ហើបថា មានក្រុមហ៊ុនមកពីហុងកុងយ៉ាងតិច១០ នឹងមកប្រកបអាជីវកម្មនៅក្នុងខេត្តកំពង់ស្ពឺឆាប់ៗនេះ ហើយអាចបង្កើតការងារបានជាង ១០.០០០កន្លែងផងដែរ។ (អានបន្ថែម)

• Projects Development
• Health Facilities Project