គម្រោងអាកាសយានដ្ឋានសៀមរាបថ្មីសម្រេចបាន ៣៥% ហើយ គ្រោងបញ្ចប់តាមកាលកំណត់

• Samphors Sao
• 23 ខែ​ធ្នូ 2020
• ព័ត៌មានក្នុងស្រុក
• 230 មើល

គិតមកដល់បច្ចុប្បន្ន គម្រោងសាងសង់អាកាសយានដ្ឋានអន្តរជាតិសៀមរាបអង្គរថ្មី (AIAI) សម្រេចបានប្រមាណ ៣៥%ហើយ ដោយគ្រោងបញ្ចប់នៅខែមីនា ឆ្នាំ២០២៣ ដូចការគ្រោងទុក។

នេះបើយោងតាមការចុះត្រួតពិនិត្យការដ្ឋាន របស់ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រី ទទួលបន្ទុករដ្ឋលេខាធិការដ្ឋានអាកាសចរស៊ីវិល កាលពីថ្ងៃ ២៣ ធ្នូ នេះ។

ក្នងឱកាសនេះ ក្រុមហ៊ុន Angkor International Airport Investment (Cambodia) Co., Ltd. ក៏បានធ្វើបទបង្ហាញ ជូនឯកឧត្តមបណ្ឌិតរដ្ឋមន្ត្រីនូវចំណុចសំខាន់ៗទាក់ទិននឹងផែនការសាងសង់អាកាសយានដ្ឋានទាំងមូល ក៏ដូចជារាយការណ៍អំពីវឌ្ឍនភាពគម្រោងកាលពីឆ្នាំ ២០២០ និងសម្រាប់ឆ្នាំ ២០២១ ផងដែរ។

គម្រោងអាកាសយានដ្ឋានសៀមរាបនេះ បានចាប់ផ្ដើមសាងសង់ ចាប់តាំងពីថ្ងៃទី១៥ ខែមីនា ឆ្នាំ២០២០ មកម្ល៉េះ គ្រោងនឹងបញ្ចប់ក្នុងរយៈពេល ៣៦ ខែ។

គួរបញ្ចាក់ផងដែរថា ការសាងសង់ព្រលានយន្តហោះអន្តរជាតិសៀមរាបថ្មីនេះ នឹងចំណាយទុនវិនិយោគប្រមាណ ៩០០ លានដុល្លារ ដែលនឹងសាងសង់លើផ្ទៃដីប្រមាណ ៧០០ ហិកតា រួមជាមួយនឹងផ្ទៃដីនៃតំបន់សេដ្ឋកិច្ចពិសេសចំនួន ១០០០ ហិកតា ទៀតផង។

កាលពីខែ មិថុនា កន្លងទៅ រដ្ឋលេខាធិការដ្ឋានអាកាសចរស៊ីវិល បានប្រគល់វិញ្ញាបនបត្រផែនការមេសាងសង់អាកាសយានដ្ឋានអន្តរជាតិសៀមរាបថ្មី (AIAI) ផងដែរ។ (អានបន្ថែម)

ក្រៅពីព្រលានថ្មីនេះ ខេត្តសៀមតាមក៏មានសមិទ្ធិផលដទៃទៀតរួមមាន គម្រោងហេដ្ឋារចនាសម្ព័ន្ធផ្លូវ ៣៨ ខ្សែនេះដែលទើបនឹងបើកការដ្ឋានពេលថ្មីៗនេះ។ (អានបន្ថែម)

• Tourism and Travelling
• Mega Infrastructure and Engineering
• Projects Development