ក្រុមហ៊ុនអាឡឺម៉ង់ និងក្រុមហ៊ុន OCIC សហការបើកដំណើរការសណ្ឋាគារដ៏ធំទី៣របស់ខ្លួននៅកម្ពុជា

Proeksa Meas
10 ខែតុលា 2026
ព័ត៌មានសំណង់
54 មើល

ក្រុមហ៊ុនអាឡឺម៉ង់ Tui Hotels & Resorts សហការជាមួយក្រុមហ៊ុន OCIC បើកសម្ពោធដាក់ឱ្យដំណើរការសណ្ឋាគារដ៏ធំទី៣របស់ខ្លួននៅកម្ពុជា (TUI Suneo Olympia Phnom Penh) ក្រោមអធិបតីភាពលោក ហួត ហាក់ រដ្ឋមន្ត្រីក្រសួងទេសចរណ៍ កាលថ្ងៃទី៣០ ខែកញ្ញា ឆ្នាំ២០២៦។

ឯកឧត្តម ហួត ហាក់ បានឱ្យដឹងថា ការបើកដំណើរការសណ្ឋាគារ TUI Suneo Olympia Phnom Penh ម៉ាក TUI Suneo ជាលើកដំបូងនៅកម្ពុជា គឺដើម្បីឆ្លើយតបកំណើនភ្ញៀវទេសចរ និងជាការពង្រីកវត្តមានបន្ថែមទៀតរបស់ក្រុមហ៊ុនអាឡឺម៉ង់ TUI Hotels & Resorts នៅកម្ពុជា បន្ទាប់ពីជោគជ័យលើគម្រោងរបស់ខ្លួននៅខេត្តព្រះសីហនុ TUI Blue Sihanoukville និងសៀមរាប(TUI Blue Angkor Grace។

ឯកឧត្តម ក៏បញ្ជាក់ថាការពង្រីកវត្តមានរបស់ក្រុមហ៊ុនទេសចរណ៍ TUI Blue នៅកម្ពុជា ពិតជារួមចំណែកដ៏សកម្ម ក្នុងការអភិវឌ្ឍវិស័យទេសចរណ៍ ជាពិសេសកក្នុងវិស័យសេវាកម្មស្នាក់នៅ (សណ្ឋាគារ) ក៏ដូចជាការផ្តល់នូវការងារផ្ទាល់នៅហ្នឹងកន្លែងដល់ប្រជាជនកម្ពុជារាប់ពាន់នាក់នៅទីតាំងទាំង៣របស់ក្រុមហ៊ុន។

ក្រសួងទេសចរណ៍ បានចាត់ទុកថា ការសម្រេចចិត្តបើកសណ្ឋាគារថ្មីនេះ គឺការសម្រេចចិត្តដ៏ត្រឹមត្រូវ និងចំឱកាសមាស ដោយហេតុថាប្រទេសកម្ពុជាជាម្ចាស់ផ្ទះកិច្ចប្រជុំកំពូលប្រទេសនិយាយភាសាបារាំងលើកទី២០ ចាប់ពីថ្ងៃទី១៤ ដល់ថ្ងៃទី១៦ ខែវិច្ឆិកា ឆ្នាំ២០២៦ ខាងមុខ។ ក្រសួង ក៏បន្តជំរុញដល់ការបណ្តាក់ទុនរបស់ក្រុមហ៊ុនអាឡឺម៉ង់ធំៗ នៅកម្ពុជា និងការពង្រឹងពង្រីកកិច្ចសហការលើគ្រប់វិស័យ ជាពិសេសក្នុងវិស័យទេសចរណ៍រវាងកម្ពុជា និងអាឡឺម៉ង់ឱ្យកាន់តែច្រើនឡើង៕ (អានបន្ថែម)