ជប៉ុនជួយកម្ពុជាសាងសង់មជ្ឈមណ្ឌលបច្ចេកវិទ្យាដំបូងបំផុត នៅស្រុកបាទី ខេត្តតាកែវ

• Sommana Yan
• 18 ខែ​មីនា 2023
• ព័ត៌មានក្នុងស្រុក
• 87 មើល

រដ្ឋាភិបាលជប៉ុន បានផ្តល់ជំនួយ ១៤៥ .៦៩២ដុល្លារ សម្រាប់ការសាងសង់មជ្ឈមណ្ឌលបច្ចេកវិទ្យាសហគមន៍នៅស្រុកបាទី ខេត្តតាកែវ។

នេះបើតាមពិធីចុះហត្ថលេខាលើកិច្ចសន្យាផ្តល់ជំនួយរវាងឯកឧត្តម អ៊ូអិណុ អាត់ស៊ូស៊ី ឯកអគ្គរាជទូតជប៉ុនប្រចាំកម្ពុជា និងតំណាងមន្ទីរប្រៃសណីយ៍ និងទូរគមនាគមន៍ខេត្តតាកែវ កាលពីថ្ងៃទី១៧ ខែមីនា ឆ្នាំ២០២៣។

ជំនួយនេះ មានគោលបំណងជួយដល់ប្រជាពល ៨.០០០នាក់ ក៏ដូចជាសិស្ស ១.០០០នាក់ តាមរយៈការសាងសង់មជ្ឈមណ្ឌលបច្ចេកវិទ្យាសហគមន៍ជាលើកដំបូងដែលពុំធ្លាប់មានពីមុនមកនៅក្នុងតំបន់នោះ។

ជាមួយគ្នានេះ មជ្ឈមណ្ឌលនេះ នឹងជួយផ្តល់នូវឱកាសច្រើនបន្ថែទៀតក្នុងសិក្សាស្វែងយល់ពីបច្ចេកទំនាក់ទំនង និងព័ត៌មាន (ICT) និងបច្ចេកវិទ្យាឌីជីថលផងដែរ។

គួរបញ្ជាក់ថា គម្រោងជំនួយនេះ ស្ថិតក្រោមគ្រោងការណ៍ជំនួយឥតសំណងសម្រាប់គម្រោងទ្រង់ទ្រាយតូចសន្តិសុខមនុស្សជាតិ​ (គូសាណូណិ) ដែលថ្មីៗនេះ ជប៉ុនបានផ្តល់ជំនួយជាង ២០ម៉ឺនដុល្លារ សម្រាប់សង់ស្ពាន និងពង្រឹងផលិតកម្មមាន់ស្រែផងដែរ។ (អានបន្ថែម)

• Projects Development