បញ្ហាការស្លាប់បញ្ជាក់ពីបញ្ហាសុវត្ថិភាពនៅកន្លែងការងារជាថ្មីម្តងទៀត

• Proeksa Meas
• 10 ខែ​កក្កដា 2016
• ព័ត៌មានសំណង់
• 153 មើល

បទដ្ឋានសុវត្ថិភាពនៅការដ្ឋានសាងសង់ក្នុងប្រទេសកម្ពុជា បានចោទជាបញ្ហាជាថ្មីម្តងទៀត បន្ទាប់ពីមានការស្លាប់របស់កម្មករសំណង់វ័យក្មេងម្នាក់ផ្សេងទៀតនៅក្នុងខណ្ឌដូនពេញ រាជធានីភ្នំពេញ នៅក្នុងខែមីនានេះ។

បើតាមអាជ្ញាធរមូលដ្ឋាន កម្មករឈ្មោះ អេង លំ អាយុ ២១ ឆ្នាំបានស្លាប់ដោយក្បាលរបស់គាត់ប៉ះជាមួយនឹងរបារដែកមួយ បន្ទាប់ពីក្បាលរបស់គាត់ជាប់និងជណ្តើរយន្ត ដែលគាត់ជិះទៅពិនិត្យមើលសម្លេងដូចមានអ្វីបែកបាក់។ ទោះបីជាហេតុការណ៍នេះត្រូវបានតុលាការវិនិច្ឆ័យថាជាឧប្បត្តិហេតុគ្រោះថ្នាក់មួយ ហើយក្រុមហ៊ុនបានផ្តល់សំណងជូនក្រុមគ្រួសាររបស់កម្មករនោះក៏ដោយ ក៏ប៉ុន្តែកម្មករនោះបានស្លាប់ហើយ។

សហជីពសហព័ន្ធកម្មករសំណង់ និងកម្មករឈើនៃព្រះរាជាណាចក្រកម្ពុជាបានប្រាប់ភ្នំពេញប៉ុស្តិ៍ថា សហជីពកត់ត្រាបានចំនួនកម្មករជាង ២០០០ នាក់រងរបួស និង ៣៦នាក់ស្លាប់ នៅការដ្ឋានសាងសង់នានាក្នុងប្រទេសកម្ពុជាកាលពីឆ្នាំមុន។