រដ្ឋអនុម័តគម្រោងក្រៅតំបន់សេដ្ឋកិច្ច ១១៦គម្រោង និងគម្រោងសាងសង់ជាង ៣ពាន់គម្រោង រយៈពេល១០ខែ ២០២២

• Sommana Yan
• 19 ខែ​ធ្នូ 2022
• ព័ត៌មានក្នុងស្រុក
• 102 មើល

រាជរដ្ឋាភិបាល បានអនុម័តគម្រោងវិនិយោគក្រៅតំបន់សេដ្ឋកិច្ច ចំនួន ១១៦គម្រោង ក្នុងរយៈពេល១០ខែ កើនឡើង ២៤គម្រោង និងគម្រោងសាងសង់ ចំនួណ ៣ ៤០៧គម្រោង ថយចុះ ១៩១គម្រោង ។ នេះបើយោងតាមរបាយការណ៍ស្ដីពី និន្នាការសេដ្ឋកិច្ច-សង្គម របស់ក្រសួងសេដ្ឋកិច្ច និងហិរញ្ញវត្ថុ នៅថ្ងៃទី១៣ ខែធ្នូ។

យោងតាមរបាយការណ៍ខាងលើនេះ ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគនៅក្រៅតំបន់សេដ្ឋកិច្ចពិសេស មានទឹកប្រាក់វិនិយោគ ២ ៧៥៨ លានដុល្លារ កើនឡើង ១៣៦,៦ភាគរយ ធៀបនឹងរយៈពេលដូចគ្នា​កាលពីឆ្នាំមុន។

គម្រោងវិនិយោគខាងលើនេះ ផ្តល់ការងារធ្វើ ថ្មីប្រមាណ ១០៥ពាន់នាក់ កើនឡើង ៤៣,៣ភាគរយ។​

ដោយឡែក ក្រសួងរៀបចំដែនដី នគរូបនីយកម្ម និងសំណង់ បានអនុញ្ញាតគម្រោងសាងសង់ មានទុនវិនិយោគសរុប ២ ១៩០ លានដុល្លារ ធ្លាក់ចុះ ៥៧,២​​ ភាគរយ ធៀបនឹងរយៈពេលដូចគ្នាកាលពីឆ្នាំមុន។​

ក្នុងនោះ ប្រភេទសំណង់លំនៅដ្ឋាន មាន ៣ ០១៨ គម្រោង ស្មើនឹង៨៨,៥៨ភាគរយនៃសំណើរសុំសាងសង់សរុប ធ្លាក់ចុះ៩១គម្រោង ធៀបនឹងរយៈពេលដូចគ្នាឆ្នាំមុន។

• Projects Development