រដ្ឋអនុម័តសង់សណ្ឋាគារផ្កាយ៥ និងរោងចក្រច្នៃផ្លែឈើតម្លៃជិត $៦០០លាន នៅព្រះសីហនុ

• Sommana Yan
• 29 ខែ​កុម្ភៈ 2024
• ព័ត៌មានក្នុងស្រុក
• 134 មើល

ក្រុមប្រឹក្សាអភិវឌ្ឍ​ន៍កម្ពុជា (CDC) បានអនុម័តគម្រោងវិនិយោគធំៗចំនួនពីរ មានទុនវិនិយោគសរុបជិត ៦០០លានដុល្លារ មានទីតាំងនៅខេត្តព្រះសីហនុ។​ នេះបើតាមរបាយការណ៍ផ្តល់ដោយរដ្ឋបាលខេត្តព្រះសីហនុ។

គម្រោងចំនួន២ខាងលើ ទើបទទួលបានការឯកភាពជាគោលការណ៍ពីអង្គប្រជុំ ក.អ.ក ថ្ងៃទី២៨ ខែកុម្ភៈ ឆ្នាំ២០២៤ ក្នុងនោះរួមមាន៖

ទី១. វិនិយោគដោយក្រុមហ៊ុន Ban Dao Investment Co., LTD មានទុនវិនិយោគ ៥៧៤ លានដុល្លារ គ្រោងវិនិយោគសាងសង់សណ្ឋាគារផ្កាយ៥ ចំនួន2,870 បន្ទប់ មានទីតាំងស្ថិតនៅពយតាម៉ូង សង្កាត់លេខ៤ ក្រុងព្រះសីហនុ ខេត្តព្រះសីហនុ។

ទី២. វិនិយោគដោយក្រុក្រុមហ៊ុន  Haoruidar (Cambodia) Co., LTD មានទុនវិនិយោគ 12,350,190 ដុល្លារ គ្រោងសាងសង់រោងចក្រកែច្នៃផ្លែឈើ មានដូចជា ស្វាយ, ម្នាស់, ខ្នុរ, និងទុរេន មានទីតាំងស្ថិត នៅឃុំកំពង់សីលា ស្រុកកំពង់សីលា ខេត្តព្រះសីហនុ ។

លោក ឡុង ឌីម៉ង់ អភិបាលរងខេត្តព្រះសីហនុ បានសាទរទៅនឹងគម្រោងវិនិយោគខ្ទង់រយលានដុល្លារទាំងពីរនេះ។​

លោក ឡុង ឌីម៉ង់ លើកឡើងថា៖ “សូមចូលរួមអបអរ ជាមួយប្រជាពលរដ្ឋអ្នកខេត្តព្រះសីហុនផង ដែលថ្ងៃនេះទទួលបានការអនុញ្ញាតចុះបញ្ជីវិនិយោគចំនួនពីរ គម្រោងពីក្រុមប្រឹក្សាអភិវឌ្ឍន៍កម្ពុជា”។​

• Projects Development