ស្ថានីយ៍ផលិតអគ្គិសនីប្រើថាមពលព្រះអាទិត្យដ៏ធំ តម្លៃជាង $៦៥លាន នឹងសង់នៅខេត្តស្វាយរៀង

• Sommana Yan
• 30 ខែ​វិច្ឆិកា 2023
• ព័ត៌មានក្នុងស្រុក
• 157 មើល

គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា (CDC) សម្រេចចុះបញ្ជីជូនដល់ក្រុមហ៊ុនដ៏ធំមួយ ដើម្បីវិនិយោគសាងសង់ស្ថានីយ៍ផលិតអគ្គិសនីដើរដោយថាមពលពន្លឺព្រះអាទិត្យ តម្លៃ ៦៥,៥លានដុល្លារ នៅខេត្តស្វាយរៀង ។

នេះបើយោងតាមការចុះផ្សាយរបស់ CDC នៅថ្ងៃទី៣០ វិច្ឆិកា ២០២៣។

គម្រោងសង់ស្ថានីយ៍ផលិតអគ្គិសនីដើរដោយថាមពលពន្លឺព្រះអាទិត្យដ៏ធំមួយនេះ មានអានុភាព ៦០មេហ្កាវ៉ាត់ ជាមួយប្រព័ន្ធផ្ទុកថាមពលអគ្គិសនីខេត្តស្វាយរៀង និងមានទីតាំងវិនិយោគស្ថិតនៅភូមិកណ្តាល ឃុំស្វាយចេក ស្រុករំដួល ខេត្តស្វាយរៀង។

គួរបញ្ជាក់ថា គម្រោងដ៏ធំខាងលើនេះ ត្រូវបានវិនិយោគដោយក្រុមហ៊ុន “SCHNEITEC VIBRANT CO., LTD” ក្រោមទុនវិនិយោគប្រមាណ ៦៥,៥លានដុល្លារ ដែលនឹងអាចបង្កើតការងារ បានចំនួន ៣៥កន្លែងជូនប្រជាពលរដ្ឋ។

• Projects Development