៣ខែ រដ្ឋអនុម័តគម្រោងក្រៅតំបន់សេដ្ឋកិច្ចពិសេសបាន ២៧គម្រោង មានទុនជិត២០០លានដុល្លារ

• Sommana Yan
• 22 ខែ​មិថុនា 2023
• ព័ត៌មានក្នុងស្រុក
• 81 មើល

ក្រុមប្រឹក្សាអភិវឌ្ឍន៍កម្ពុជា បានអនុម័តគម្រោងវិនិយោគក្រៅតំបន់សេដ្ឋកិច្ចពិសេស ចំនួន ២៧គម្រោង មានទុនវិនិយោគសរុប ១៩៣លានដុល្លារ ក្នុងត្រីមាសទី១ ឆ្នាំ២០២៣នេះ។

របាយការណ៍ក្រសួងសេដ្ឋកិច្ច និងហិរញ្ញវត្ថុ ចេញផ្សាយនៅថ្ងៃទី២០ ខែមិថុនានេះ បង្ហាញថា គម្រោងវិនយោគឯកជន នៅក្រៅតំបន់សេដ្ឋកិច្ចពិសេស​ មានចំនួន២៧ គម្រោងធ្លាក់ចុះ១៣គម្រោង។​

គម្រោងដែលទទួលបានការអនុម័ត ភាគច្រើនផ្តោតលើវិស័យឧស្សាហកម្ម មានលទ្ធភាពបង្កើតការងារថ្មីប្រមាណជា​៤៣ពាន់នាក់ កើនឡើង ២៤.៨ភាគរយ។​

របាយការណ៍ដដែលលើកឡើងថា ទុនវិនិយោគសរុបនៃគម្រោងទាំង២៧នេះ មានទុនចំនួន​ ១៩៣លានដុល្លារ ធ្លាក់ចុះ ៩០.៩ភាគរយ ធៀបនឹងរយៈពេលដូចគ្នាកាលពីឆ្នាំមុន ដោយក្រសួងបញ្ជាក់ថា ទិន្នន័យនេះ​ពុំមានបូកបញ្ជូលទិន្នន័យក្នុងតំបន់សេដ្ឋកិច្ចទេ។​

• Projects Development