ឆ្នាំ២០២៥៖ ADB បានផ្តល់កម្ចីសម្រាប់វិស័យសាធារណៈដល់កម្ពុជា ក្នុងតម្លៃ ៥,៥ពាន់លានដុល្លារ

• Sommana Yan
• 15 ខែ​ឧសភា 2026
• ព័ត៌មានសំណង់
• 824 មើល

នៅក្នុងឆ្នាំ២០២៥ កន្លងទៅនេះ ធនាគារអភិវឌ្ឍន៍អាស៊ី(ADB) បានអនុម័តផ្តល់កម្ចីសម្រាប់វិស័យសាធារណៈដល់កម្ពុជា ក្នុងតម្លៃ ៥,៥ពាន់លានដុល្លារអាមេរិក។ នេះបើយោងតាមហ្វេសប៊ុករបស់ ADB ផ្សាយចេញកាលពីថ្ងៃទី១១ ខែឧសភា ឆ្នាំ២០២៦។

ធនាគារអភិវឌ្ឍន៍អាស៊ី(ADB) បានឱ្យដឹងបន្ថែមថា៖ «គិតត្រឹមថ្ងៃទី ៣១ ខែធ្នូ ឆ្នាំ ២០២៥ ADB បានអនុម័តផ្តល់កម្ចីសម្រាប់វិស័យសាធារណៈ ជំនួយឥតសំណង និងជំនួយបច្ចេកទេស ចំនួន ៣៥៩ គម្រោង ដែលមានតម្លៃសរុបចំនួន ៥,៥ ពាន់លានដុល្លារដល់កម្ពុជា។ ប្រតិបត្តិការវិស័យសាធារណៈបច្ចុប្បន្នរបស់ ADB  នៅក្នុងប្រទេសកម្ពុជា រួមមានកម្ចីចំនួន ២៨ គម្រោង និងជំនួយឥតសំណងចំនួន ៩ គម្រោង ដែលមានតម្លៃ ២,០៦ ពាន់លានដុល្លារ»។

សូមជម្រាបដែរថា នៅក្នុងជំនួបជាមួយ សម្តេចធិបតី ហ៊ុន ម៉ាណែត នាយករដ្ឋមន្ត្រី នៃកម្ពុជា ក្នុងកិច្ចប្រជុំកំពូលអាស៊ានលើកទី៤៨ នៅទីក្រុងសេប៊ូ ប្រទេសហ្វីលីពីន លោក Masato Kanda ប្រធាន ADB បានសរសេរនៅលើទំព័រ LinkedIn របស់គាត់ថា៖ «កម្ពុជាបន្តវឌ្ឍនភាពនៃការអភិវឌ្ឍដ៏រឹងមាំ។

នាឱកាសនោះ ប្រធាន ADB ក៏បានប្រកាស ប្តេជ្ញាពង្រឹងកិច្ចសហប្រតិបត្តិការរបស់យើង ដើម្បីជួយកម្ពុជាគ្រប់គ្រងបញ្ហាប្រឈមនាពេលបច្ចុប្បន្ន ជំរុញអាទិភាពជាតិ និងផ្តល់ឱកាសពិតប្រាកដសម្រាប់ប្រជាពលរដ្ឋកម្ពុជាផងដែរ៕

• loan
• Economic development
• ADB
• Economic and finance
• Bank and finance