ជប៉ុនផ្តល់ឥណទាន ១១៤ លានដុល្លារ អភិវឌ្ឍន៍ចំណតផែកុងតឺន័រថ្មី ខេត្តព្រះសីហនុ

Proeksa Meas
20 ខែសីហា 2026
ព័ត៌មានសំណង់
156 មើល

កម្ពុជា-ជប៉ុន កាលថ្ងៃទី ១១ ខែសីហា ឆ្នាំ២០២៦ បានសម្រេចចុះកិច្ចព្រមព្រៀងឥណទានប្រមាណ ១១៤ លានដុល្លាអាម៉េរិក សម្រាប់ដំណើរការគម្រោងអភិវឌ្ឍន៍ចំណតផែកុងតឺន័រថ្មីស្វយ័តក្រុងព្រះសីហនុ (កញ្ចប់ឥណទានទី២)។ នេះបើយោងតាមហ្វេសប៊ុករបស់កំពង់ផែស្វយ័តក្រុងព្រះសីហនុ ចេញផ្សាយកាលពីថ្ងៃទ១១ ខែសីហា ឆ្នាំ២០២៦។

ប្រភពដដែលបានឱ្យដឹងថា កិច្ចព្រមព្រៀងដែលមានទឹកប្រាក់សរុបចំនួន ១៧.៧៧៦ លានយ៉េន (ប្រមាណ១១៤ លានដុល្លារអាម៉េរិក) សម្រាប់អនុវត្តគម្រោងអភិវឌ្ឍន៍ចំណតផែកុងតឺន័រថ្មីកំពង់ផែស្វយ័តក្រុងព្រះសីហនុ (កញ្ចប់ឥណទានទី២) នេះ ត្រូវបានចុះហត្ថលេខាដោយឯកឧត្តម រស់ សីលវ៉ា រដ្ឋលេខាធិការនៃក្រសួងសេដ្ឋកិច្ច និងហិរញ្ញវត្ថុ ជាមួយលោក SANUI Kazamasa ប្រធានការិយាល័យទីភ្នាក់ងារសហប្រតិបត្តិការអន្តរជាតិជប៉ុនប្រចាំប្រទេសកម្ពុជា។

សូមរំឭកដែរថា កាលពីថ្ងៃទី១៣ ខែកក្កដា ឆ្នាំ២០២៦ រដ្ឋាភិបាលជប៉ុន ក៏បានផ្ដល់ជំនួយ១១៩លានដុល្លារ មកកាន់រដ្ឋាភិបាលកម្ពុជា សម្រាប់គម្រោងអភិវឌ្ឍន៍ចំណតផែកុងតឺន័រថ្មី កំពង់ផែស្វយ័ត ក្រុងព្រះសីហនុ (កញ្ចប់ឥណទានទី២)។

គម្រោងនេះ មានគោលបំណងធ្វើឱ្យប្រសើរឡើងនូវសមត្ថភាពដោះស្រាយទំនិញកុងតឺន័រនៅកំពង់ផែ ក្រុងព្រះសីហនុ ដែលជាកំពង់ផែទឹកជ្រៅអន្តរជាតិតែមួយគត់របស់កម្ពុជា ក៏ដូចជាបង្កើនប្រសិទ្ធភាពប្រព័ន្ធ ភស្តុភារកម្មរបស់កម្ពុជា តាមរយៈការអភិវឌ្ឍចំណតផែកុងតឺន័រថ្មី និងហេដ្ឋារចនាសម្ព័ន្ធពាក់ព័ន្ធនានា៕

- Video Advertisement -