AEON បើកដំណើរជាផ្លូវការនូវឃ្លាំងស្តុកដ៏ធំរបស់ខ្លួននៅក្រុងព្រះសីហនុហើយ

• Sommana Yan
• 27 ខែ​មិថុនា 2023
• ព័ត៌មានក្នុងស្រុក
• 236 មើល

ក្រុមហ៊ុន អ៊ីអន ម៉ល (ខេមបូឌា) ឡូជី ផ្លាស ឯ.ក បានប្រកាសបើកដំណើរការនូវភណ្ឌាគារ (ឃ្លាំងស្តុកពហុមុខងារ) ដំណាក់កាលទី១របស់ អ៊ីអន ម៉ល ឡូជី ផ្លាស ភណ្ឌាគារដឹកជញ្ជូនតំបន់ពាណិជ្ជកម្មសេរី នៅក្រុងព្រះសីហនុ (FTZ Logistics Center) ជាផ្លូវការហើយ។

នេះយោងតាមការចុះផ្សាយលើគេហទំព័រផ្លូវការរបស់អ៊ីអន ម៉ល (ខេមបូឌា)នៅថ្ងៃទី២៦ មិថុនា ២០២៣ ។

អ៊ីអន ម៉ល ឡូជី ផ្លាស ភណ្ឌាគារដឹកជញ្ជូនតំបន់ពាណិជ្ជកម្មសេរី ក្រុងព្រះសីហនុ (FTZ Logistics Center)នេះ នឹងបម្រើជាមូលដ្ឋានសម្រាប់អាជីវកម្មភស្តុភារថ្មីបស់ខ្លួន ដែលមានលក្ខណៈពិសេសដូចជា៖ ①សារពើភ័ណ្ឌសម្រាប់អនិវាសនជន ②ប្រតិបត្តិការយ៉ាងរលូនចាប់ពីដំណើរការត្រួតពិនិត្យពន្ធគយ រហូតដល់ការដឹកជញ្ជូនទៅដល់ភណ្ឌាគា ③ទីតាំងដែលមានសក្តានុពលសម្រាប់អភិវឌ្ឍជាភណ្ឌាគាក្នុងការដឹកជញ្ជូនទំនិញ។

គួររម្លឹកថា ភណ្ឌាគារនេះ ត្រូវបានបើកការដ្ឋានសាងសង់នៅថ្ងៃទី១១ ខែឧសភា ឆ្នាំ២០២២ លើផ្ទៃដី ៣០០០០ម៉ែត្រការ៉េ ។ (អានបន្ថែម និងបន្ថែម)

• Projects Development