វារីអគ្គិសនីបូមទឹកស្តុកទុកស្ទឹងតាតៃ តម្លៃ១ពាន់លានដុល្លារ នៅកោះកុង ចាប់ផ្តើមសាងសង់ហើយ

Proeksa Meas
22 ខែមេសា 2026
ព័ត៌មានសំណង់
581 មើល

គម្រោងវារីអគ្គិសនីបូមទឹកស្តុកទុកស្ទឹងតាតៃលើ អានុភាព ១០០០ មេហ្កាវ៉ាត់ នៅខេត្តកោះកុង បានចាប់ផ្តើមបើកការដ្ឋានសាងសង់ជាផ្លូវការហើយ ក្រោមអធិបតីភាព ឯកឧត្តម កែវ រតនៈ រដ្ឋមន្រ្តីក្រសួងរ៉ែនិងថាមពល និង ឯកឧត្តម Wang Wenbin ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំកម្ពុជាកាលថ្ងៃទី១០ ខែមេសា ឆ្នាំ២០២៦។

ឯកឧត្តម កែវ រតនៈ បានឱ្យដឹងថា គម្រោងវារីអគ្គិសនីបូមទឹកស្តុកទុកស្ទឹងតាតៃលើនេះ គឺជាគម្រោងទី១ ហើយជាប្រវត្តិសាស្រ្តនិងជាផ្នែកនៃទិសដៅអភិវឌ្ឍថាមពលបៃតងរបស់កម្ពុជា ដែលនឹងចូលរួមចំណែកក្នុងការអភិវឌ្ឍសេដ្ឋកិច្ចនិងសង្គម ពិសេសការធានាបាននូវសន្តិសុខថាមពលជាតិ។

សូមជម្រាបថា គម្រោងស្ថានីយវារីអគ្គិសនីបូមទឹកស្តុកទុកនេះ គ្រោងនឹងចំណាយទុនវិនិយោគប្រមាណ ១ពាន់លានដុល្លារអាមេរិក ដោយក្រុមហ៊ុន China National Heavy Machinery Corporation។ នេះជាគម្រោងវិនិយោគទី៣ ហើយដែលគ្រប់គ្រងអភិវឌ្ឍន៍ដោយក្រុមហ៊ុន Cambodian Tatay Hydropower Limited ដែលជាបុត្សម្ព័ន្ធររបស់ក្រុមហ៊ុនមេ China National Heavy Machinery Corporation នៅប្រទេសចិន។ គម្រោងទី១ គឺវារីអគ្គិសនីតាតៃ (អនុភាព ២៤៦មេហ្គាវ៉ាត់ ដំណើរការឆ្នាំ២០១៤) និងគម្រោងទី២ គឺវារីអគ្គិសនីតាតៃលើ (ទុនវិនិយោគជិត ៤០០លានដុល្លារ អានុភាព ១៥០មេហ្គាវ៉ាត់)៕