សន្និសីទអនាគតសំណង់បង្ហាញពីនិន្នាការនៃការច្នៃប្រឌិតបែបឌីជីថលសំខាន់ចំនួន ២ ធំៗ

Proeksa Meas
29 ខែមិថុនា 2026
ព័ត៌មានសំណង់
350 មើល

ថ្មីៗនេះ សន្និសីទស្តីពីអនាគតនៃការសាងសង់ (Future of Construction) ដែលរៀបចំឡើងនៅសាកលវិទ្យាល័យ ETH Zurich និងឧបត្ថម្ភដោយក្រុមហ៊ុន Bentley Systems បានគូសបញ្ជាក់ពីអត្ថប្រយោជន៍នៃកម្មវិធីវិស្វកម្មឌីជីថល និងបង្ហាញពីនិន្នការថ្មីសំខាន់ ២។

និន្នការថ្មីនេះគឺការប្រើប្រាស់មនុស្សយន្ត និងបញ្ញាសិប្បនិម្មិត (AI) បន្ថែមពីលើកម្មវិធីឌីជីថលដើម្បីកសាងហេដ្ឋារចនាសម្ព័ន្ធដែលស្មុគស្មាញ និងទំនើប។

*វិហារ Sagrada Família របស់ Antoni Gaudí នៅ Barcelona ។*

ក្រុមហ៊ុន Bentley Systems ក៏កំពុងចាប់យកនិន្នាការ ដោយកំបុងធ្វើទំនើបកម្មកម្មវិធីវិស្វកម្មរបស់ខ្លួនឱ្យកាន់តែមានប្រសិទ្ធភាពដោយបញ្ចូល AI និងមនុស្សយន្ត។

លើសពីនេះទៅទៀត Bentley ក៏កំពុងបង្កើតប្រព័ន្ធបញ្ជូនទិន្នន័យបែបគ្រប់ជ្រុងជ្រោយដែលមានប្រសិទ្ធភាព និងមិនបាត់បង់ព័ត៌មានពេញមួយវដ្តជីវិតនៃគម្រោងនីមួយៗ។ Bentley ប្រើប្រាស់ Open-source និង APIs ដើម្បីលុបបំបាត់គម្លាតរវាងការរចនា វិស្វកម្ម និងប្រតិបត្តិការ។

នៅក្នុងខែឧសភា សិក្ខាសាលា Future of Construction បានធ្វើឡើងនៅ ETH Zurich ដែលជាសាកលវិទ្យាល័យវិទ្យាសាស្ត្រ និងបច្ចេកវិទ្យាដ៏ល្បីល្បាញរបស់ប្រទេសស្វីស។

ការតភ្ជាប់នេះមានសារៈសំខាន់ណាស់ ពោលគឺនឹងឱ្យ AI អាចចូលទៅប្រើប្រាស់ទិន្នន័យគម្រោងបានយ៉ាងទូលំទូលាយ ហើយជាលទ្ធផលនឹងជួយឱ្យការដោះស្រាយជម្លោះការងារបានឆាប់រហ័ស ធ្វើស្វ័យប្រវត្តិកម្មក៏កាន់តែលឿន ខណៈក៏បង្កើនផលិតភាពឱ្យកាន់តែប្រសើរឡើង។

ក្រៅពីការគ្រប់គ្រងទិន្នន័យ Bentley ក៏កំពុងជំរុញការច្នៃប្រឌិតជំនាន់ថ្មីតាមរយៈកម្មវិធី NXT Activate ។ កម្មវិធីនេះនឹងផ្ដល់ការវិនិយោគ ៣ លានដុល្លារនេះ ដល់ក្រុមហ៊ុន Startups ដែលកំពុងអភិវឌ្ឍ AI, Digital Twin និងមនុស្សយន្ត។