ប្រព័ន្ធធារាសាស្ត្រប្រឡាយមេអូរស្រងាំ ខេត្តស្វាយរៀង សាងសង់សម្រេចបានជាង ៧០%

Proeksa Meas
7 ខែឧសភា 2026
ព័ត៌មានសំណង់
336 មើល

គម្រោងស្តារប្រឡាយអូស្រង៉ាម ក្នុងស្រុករំដួល ជិតរួចរាល់ហើយ ដើម្បីធានាទឹកសម្រាប់ដំណាំរដូវជាងបីរយហិកតា

ប្រព័ន្ធធារាសាស្ត្រនៃប្រឡាយមេអូរស្រងាំ ខេត្តស្វាយរៀង បានសាងសង់សម្រេចបានប្រមាណជាង ៧០% ហើយ ខណៈក្រសួងធនធានទឹក និងឧតុនិយម ក៏បានការថែទាំប្រព័ន្ធធារាសាស្ត្រប្រឡាយនេះ ដើម្បីប្រើប្រាស់ឱ្យមានភាពយូរអង្វែងផងដែរ។ នេះបើយោងតាមដំណើរចុះពិនិត្យវឌ្ឍនភាពការងារផ្ទាល់ ដឹកនាំដោយលោក ផាង វី ប្រធាននាយកដ្ឋានធារាសាស្ត្រកសិកម្ម កាលថ្ងៃទី២៧ ខែមេសា ឆ្នាំ២០២៦។

លោក ផាង វី បានឱ្យដឹងថា ប្រព័ន្ធធារាសាស្ត្រប្រឡាយមេអូរស្រងាំ មានទីតាំងស្ថិតក្នុងភូមិសាស្ត្រស្រុករំដួល ខេត្តស្វាយរៀង ដោយគិតត្រឹមចុងខែមេសានេះ សម្រេចបានប្រមាណជាង ៧០% នៃផែនការសរុប។

លោកបញ្ជាក់ថា ការងារដែលបាននិងកំពុងអនុវត្តរួមមាន៖ ការងារស្តារប្រឡាយមេប្រវែង ២៨០០ម៉ែត្រ ប្រឡាយរងចំនួន ៣ខ្សែ (SC1-SC3) ប្រវែងសរុប ២២៧០ម៉ែត្រ និងប្រឡាយនាំទឹកប្រវែង ១៥០០ម៉ែត្រ។ ទន្ទឹមនឹងនេះ ការងារបំពាក់សំណង់សិល្បការ្យថ្មីៗជាច្រើនរួមមាន៖ សំណង់លូចម្លង សំណង់ចែកទឹក និងសំណង់ការពារជើងទេរចំនួន ១០កន្លែង ព្រមទាំងការងារជួសជុលសំណង់លូចម្លងលើប្រឡាយមេ និងទ្វារទឹកលូមូលលើប្រឡាយមេ។

សូមជម្រាបដែរថា ប្រព័ន្ធធារាសាស្ត្រប្រឡាយមេអូរស្រងាំ គឺទទួលប្រភពទឹកពីទន្លេវ៉ៃគោ មានសក្តានុពលស្រោចស្រពលើផ្ទៃដីស្រូវវស្សាប្រមាណ ១០៨០ ហិកតា ស្រូវប្រាំង ៥១៤ ហិកតា និងដំណាំរួមផ្សំផ្សេងៗ។ លើសពីនេះ ក្រៅពីបម្រើវិស័យកសិកម្ម ប្រព័ន្ធនេះក៏ដើរតួនាទីយ៉ាងសំខាន់ក្នុងការចែកចាយទឹកសម្រាប់ជីវភាពរស់នៅប្រចាំថ្ងៃរបស់ប្រជាពលរដ្ឋក្នុងតំបន់ឱ្យកាន់តែមានភាពងាយស្រួល និងប្រសើរឡើងផងដែរ៕ (អានបន្ថែម)