ប្រឡាយស្វាយមាសខេត្តកំកំពង់ចាម សមត្ថភាពស្រោចស្រពជាង ៩០០ហិកតា ស្តារបាបាន ៥៥%

Sommana Yan
21 ខែឧសភា 2026
ព័ត៌មានសំណង់
497 មើល

ប្រឡាយស្វាយមាស ដែលស្ថិតនៅក្នុងខេខេត្តកំកំពង់ចាម មានសមត្ថភាពស្រោចស្រពជាង៩០០ហិកតា សម្រេចបាន ៥៥% ហើយ។ នេះបើយោងតាមលោក ថាំង វីយុទ្ធដា ប្រធាននាយកដ្ឋានវិស្វកម្ម នៃក្រសួងធនធានទឹក និងឧតុនិយមក្នុងពេលអអញ្ជើញចុះពិនិត្យវឌ្ឍនភាពការងារផ្ទាល់ ថ្ងៃទី១៥ ខែឧសភា ឆ្នាំ២០២៦។

ប្រឡាយស្វាយមាស មានទីតាំងស្ថិតក្នុងភូមិសាស្ត្រឃុំសំពងជ័យ ស្រុកជើងព្រៃ និងឃុំបឹងណាយ ស្រុកព្រៃឈរ ខេត្តកំពង់ចាម។ គម្រោងស្តារប្រឡាយស្វាយមាសដែលមានប្រវែងសរុប ៤ ៣៦០ ម៉ែត្រ និងសំណង់សិល្បការ្យចំនួន ១២ កន្លែងនេះ មានគោលបំណងក្នុងការបង្កើនផ្ទៃដីស្រោចស្រព និងជួយរំដោះទឹកជំនន់នារដូវវស្សា ដោយនាំយកប្រភពទឹកពីអាងទឹកទឹកឆា តាមរយៈប្រឡាយថ្មដា។

គិតត្រឹមថ្ងៃទី១៥ ខែឧសភានេះ លទ្ធផលការងារសម្រេចបានប្រមាណ ៥៥% និងគ្រោងនឹងបញ្ចប់ជាស្ថាពរនៅដើមខែកក្កដា ឆ្នាំ២០២៦ ខាងមុខ។

លោក ក៏បានណែនាំដល់ក្រុមការងារបច្ចេកទេស ឱ្យយកចិត្តទុកដាក់ខ្ពស់លើការគ្រប់គ្រងគ្រឿងចក្រឱ្យមានប្រសិទ្ធភាព និងត្រូវប្រកាន់ខ្ជាប់នូវបទដ្ឋានបច្ចេកទេសឱ្យបានហ្មត់ចត់បំផុត ដើម្បីធានាបាននូវគុណភាពសំណង់ឱ្យរឹងមាំ។

បើតាមក្រសួងធនធានទឹក បន្ទាប់ពីការដ្ឋាននេះត្រូវបានបញ្ចប់ នឹងក្លាយជាប្រភពទឹកយ៉ាងសំខាន់សម្រាប់បម្រើឱ្យការដាំដុះស្រូវវស្សាចំនួន ៦៧៣ ហិកតា ស្រូវប្រាំង ២៥៤ ហិកតា និងដំណាំរួមផ្សំ ២០ ហិកតា ព្រមទាំងផ្តល់អត្ថប្រយោជន៍ដោយផ្ទាល់ដល់ការប្រើប្រាស់ប្រចាំថ្ងៃរបស់ប្រជាកសិករប្រមាណ ១ ១៥៩ គ្រួសារ ក្នុងភូមិចំនួន ៥ នៃឃុំសំពងជ័យ និងឃុំបឹងណាយ៕