ក្រុមហ៊ុន CT II បោះទុនជាង៩២លានដុល្លារ សង់អនុស្ថានីយ៍ ដើម្បីបញ្ជូនថាមពលពីកំពង់ចាមទៅក្រចេះ

• Sommana Yan
• 7 ខែ​កញ្ញា 2023
• ព័ត៌មានក្នុងស្រុក
• 76 មើល

គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីលើគម្រោងវិនិយោគជូនដល់ក្រុមហ៊ុនឯកជនមួយ ដើម្បីអភិវឌ្ឍគម្រោងសង់អនុស្ថានីយ៍ និងបញ្ជូនថាមពលពីខេត្តកំពង់ចាម ទៅខេត្តក្រចេះ។

នេះបើយោងតាមការចុះផ្សាយរបស់គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា នៅថ្ងៃទី០៧ កញ្ញា ២០២៣។

ក្រុមហ៊ុនវិនិយោគខាងលើ មានឈ្មោះថា CAMBODIAN TRANSMISSION II CO., LTD (CT II) នឹងវិនិយោគសង់អនុស្ថានីយ៍ ដើម្បីបញ្ជូនថាមពលអគ្គិសនី មានតង់ស្យុងខ្ពស់ ២៣០គីឡូវ៉ុល ពីខេត្តកំពង់ចាម ទៅខេត្តក្រចេះ ។

គួរបញ្ជាក់ថា គម្រោងវិនិយោគដ៏ធំមួយនេះ នឹងត្រូវអភិវឌ្ឍដោយប្រើទុនប្រមាណ ៩២,២លានដុល្លារ ហើយក្រោយបញ្ចប់ការសាងសង់ នឹងអាចបង្កើតការងារជូនពលរដ្ឋក្នុងតំបន់បានចំនួន ៤៦៤កន្លែងផងដែរ។

 

 

• Projects Development