គម្រោងអភិវឌ្ឍន៍ធំៗ ចំនួន៣ ជាប់ពានរង្វាន់ឆ្នើមលើការងារប្រែមុខមាត់សហគមន៍

• Samphors Sao
• 5 ខែ​កុម្ភៈ 2021
• ព័ត៌មានក្នុងស្រុក
• 88 មើល

គម្រោងអភិវឌ្ឍហេដ្ឋារចនាសម្ព័ន្ធ ចំនួន ៣ នៅរាជធានីភ្នំពេញ សៀមរាប និងពោធិ៍សាត់ កាលពីថ្មីៗ នេះ បានទទួលពានរង្វាន់ជាគម្រោងឆ្នើម លើការងាររៀបចំផែនការនគរូបនីយកម្ម និងប្រែមុខមាត់សហគមន៍។

ពិធីប្រគល់នេះរង្វាន់ត្រូវបានធ្វើឡើង ដោយសម្ព័ន្ធភាពជាតិក្រុមប្រឹក្សាថ្នាក់មូលដ្ឋាន កាលពីថ្ងៃទី៣ ខែកុម្ភៈ កន្លងមកនេះ ក្រោមវត្តមាន ឯកឧត្តម សក់ សេដ្ឋា រដ្ឋលេខាធិការប្រចាំការនៃក្រសួងមហាផ្ទៃ។

គម្រោងទាំង៣ ដែលទទួលពានរង្វាន់រួមមាន៖
-លេខ១ គឺគម្រោង “សាងសង់ទំនប់បង្ហៀរក្បាលហុងស្ទឹងពោធិ៍សាត់” របស់រដ្ឋបាលក្រុងពោធិ៍សាត់
-លេខ២ គឺគម្រោងយុទ្ធនាការ “ផ្ទះ១ អំពូល១” របស់រដ្ឋបាលស្រុកបន្ទាយស្រី ខេត្តសៀមរាប
-លេខ៣ គឺ គម្រោង“អភិវឌ្ឍហេដ្ឋារចនាសម្ព័ន្ធផ្លូវបេតុងសហគមន៍ភូមិ១៥-១៦” របស់សង្កាត់ទឹកល្អក់១ ខណ្ឌទួលគោក រាជធានីភ្នំពេញ។

គួរបញ្ជាក់ផងដែរថា កម្មវិធីប្រលងប្រណាំងនេះ រៀបចំឡើងដើម្បីជំរុញ និងពង្រឹងសកម្មភាពរៀបចំផែនការនគរូបនីយកម្ម និងការគ្រប់គ្រងដីធ្លី ពោលការកែប្រែមុខមាត់សហគមន៍ដែលមិនទាន់រៀបរយ ឱ្យមានសោភណភាព និងទទួលសេវាសាធារណៈចាំបាច់ផ្សេងៗ។

លោក ឃឹម ហ្វីណង់ អភិបាលស្រុកបន្ទាយស្រី ខេត្តសៀមរាប ដែលជាជ័យលាភីទី ២ បានឱ្យដឹងថា យុទ្ធនាការ ផ្ទះ១ អំពូល១ គឺជាការបំពាក់អំពូលសូឡា ៤០០០ អំពូល ក្នុងភូមិចំនួន១៥។ ហើយការទទួលជ័យលាភី គឺមិនសំខាន់ស្មើនឹងការដែលប្រជាជនក្នុងសហគមន៍ទទួលបានពន្លឺនោះទេ។

• Tourism and Travelling
• Projects Development