ដីប្រមាណ ៩០ លានម៉ែត្រគូប នឹងប្រើដើម្បីចាក់បំពេញកោះនរា និងព្រលានយន្តហោះភ្នំពេញថ្មី

• Samphors Sao
• 30 ខែ​ធ្នូ 2020
• ព័ត៌មានក្នុងស្រុក
• 117 មើល

ដីយ៉ាងហោចប្រមាណ ៩០ លានម៉ែត្រគូបទៀត នឹងត្រូវប្រើប្រាស់ដើម្បីចាក់បំពេញគម្រោងសាងសង់កោះនរា និងព្រលានយន្តហោះភ្នំពេញថ្មី។ នេះបើយោងតាមប្រធានក្រុមហ៊ុន OCIC អ្នកឧកញ៉ា ពុង ឃាវសែ កាលពីថ្មីៗនេះ។

អ្នកឧកញ៉ា ពុង ឃាវសែ ប្រធានក្រុមហ៊ុន OCIC បានឱ្យដឹងថា ជាក់ស្ដែងក្រុមហ៊ុនកំពុងត្រូវការចាក់ដីបំពេញគម្រោងធំៗ ២ គឺគម្រោងព្រលានយន្តហោះភ្នំពេញថ្មី និងគម្រោងកោះនរា។

សម្រាប់គម្រោងអភិវឌ្ឍន៍កោះនរា កំពុងត្រូវការដីដើម្បីចាក់បំពេញប្រមាណ ៦០ លានម៉ែត្រគីប។ ដោយឡែក សម្រាប់គម្រោងព្រលានយន្តហោះអន្តរជាតិភ្នំពេញថ្មី គឺត្រូវដីចាក់បំពេញប្រមាណ ៣០ លានម៉ែត្រគីប ពោលគឺនឹងត្រូវចាក់បំពេញប្រមាណ ២០ មុឺនម៉ែត្រគីបក្នុងមួយថ្ងៃ។

កាលពីខែ មិថុនា កន្លងទៅនេះ សម្តេចតេជោ ហ៊ុន សែន បានស្នើឱ្យម្ចាស់ក្រុមហ៊ុន OCIC ជួយស្តារបឹងជើងលោងទំហំប្រមាណ ១៤០០ ហិកតា ដើម្បីយកដីចាក់បំពេញព្រលានយន្តហោះថ្មីនេះ។ (អានបន្ថែម)

គួរបញ្ជាក់ផងដែរថា គម្រោងអភិវឌ្ឍកោះនរា សាងសង់ឡើងលើទំហំដីប្រមាណ ១២៥ហិកតា។ ចាប់តាំងពីខែមករា ឆ្នាំ ២០២០ នេះមក ក្រុមហ៊ុន OCIC បានបុកគ្រឹះបេតុង ចាក់ថ្ម និងចាក់ខ្សាច់បំពេញ ដើម្បីអាចសាងសង់ច្រាំងទន្លេ និងរៀបចំហេដ្ឋារចនាសម្ព័ន្ធតាមប្លង់មេមួយចំនួនរួចហើយ។ បើគិតត្រឹមខែ តុលា គម្រោងនេះសម្រេចបានជាង ២៧%។ (អានបន្ថែម)

• Tourism and Travelling
• Projects Development