ជប៉ុន ផ្តល់ឥណទាន ៤៦លានដុល្លារ ជួយអភិវឌ្ឍន៍បណ្តាញបង្ហូរទឹកកខ្វក់នៅភ្នំពេញ

• Proeksa Meas
• 5 ខែ​ឧសភា 2026
• ព័ត៌មានសំណង់
• 431 មើល

ជប៉ុន បានប្រកាសផ្ដល់ឥណទានសប្បទានប្រមាណ ៤៦លានដុល្លារអាម៉េរិក សម្រាប់ដំណើរការគម្រោងការពារទឹកជំនន់ និងកែលម្អប្រព័ន្ធបង្ហូរទឹកកខ្វក់ នៅរាជធានីភ្នំពេញ។ នេះបើយោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ ផ្សាយនៅថ្ងៃទី២៣ ខែមេសា ឆ្នាំ២០២៦។

ក្រសួងបានបន្តថា  ការចុះហត្ថលេខាលើលិខិតប្តូរសារលើឥណទានរវាងកម្ពុជា និងជប៉ុន ធ្វើឡើងក្រោមអធិបតីភាពឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិកម្ពុជា និងឯកឧត្តម UENO Atsushi ឯកអគ្គរាជទូតជប៉ុនប្រចាំកម្ពុជា។

គម្រោងការពារទឹកជំនន់ និងអភិវឌ្ឍន៍ បណ្តាញបង្ហូរទឹកកខ្វក់នៅរាជធានីភ្នំពេញ មានទឹកប្រាក់ចំនួន ៦.៩០៨ លានយ៉េន (ប្រមាណ ៤៦ លានដុល្លារអាម៉េរិក)។

កម្ពុជា-ជប៉ុន បានបញ្ជាក់ថា គម្រោងនេះនឹងបង្កើនភាពធន់នៃហេដ្ឋារចនាសម្ព័ន្ធនៅរាជធានីភ្នំពេញប្រឆាំងនឹងការជន់លិច ដោយបង្ការផលប៉ះពាល់អវិជ្ជមានលើជីវភាពប្រចាំថ្ងៃ និងសកម្មភាពសេដ្ឋកិច្ច។ ការបន្តផ្តល់ជំនួយហិរញ្ញវត្ថុនេះ ឆ្លុះបញ្ចាំងពីការប្តេជ្ញាចិត្តឥតងាករេរបស់ជប៉ុន ក្នុងការលើកកម្ពស់ការអភិវឌ្ឍសង្គម-សេដ្ឋកិច្ចរបស់កម្ពុជា និងភាពជាដៃគូយុទ្ធសាស្ត្រគ្រប់ជ្រុងជ្រោយកម្ពុជា-ជប៉ុន៕ (អានបន្ថែម)

• Japan's grant
• Economic development
• Phnom Penh Flooding Protection
• Socioeconomic